BIG NEWS / કેન્દ્ર સરકારની મોટી કાર્યવાહી, દેશ વિરોધી કન્ટેન્ટ ફેલાવનાર 8 YouTube ચેનલો કરાઇ બ્લોક

• સૂચના પ્રસારણ મંત્રાલયે લીધો મહત્વનો નિર્ણય
• 8 YouTube ચેનલોને બ્લોક કરવામાં આવી
• દેશની છબી બગાડનાર કન્ટેન્ટ ફેલાવવાનો આરોપ

દેશ (ભારત)ની છબીને નુકસાન પહોંચાડનાર સામગ્રી પોસ્ટ કરવાના આરોપમાં સૂચના પ્રસારણ મંત્રાલયે 8 YouTube ચેનલો પર પ્રતિબંધ લગાવી દીધો છે. જેની પર ભારતની રાષ્ટ્રીય સુરક્ષા, કાયદાકીય વ્યવસ્થા અને વિદેશી સંબંધોને અસર કરનારી સામગ્રી પોસ્ટ કરવાનો આરોપ છે. જેમાં એક પાકિસ્તાનની યુટ્યુબ ચેનલ પણ સામેલ છે. જેના 118 કરોડ વ્યુઝ છે. તમને જણાવી દઇએ કે, 21 ડિસેમ્બરથી અત્યાર સુધીમાં 102 જેટલી YouTube ચેનલોને બ્લોક કરી દેવાઇ છે.

7 Indian and 1 Pakistan-based YouTube news channels blocked under IT Rules, 2021. Blocked YouTube channels had over 114 crore views, and 85 lakh 73 thousand subscribers. Fake anti-India content was being monetized by the blocked channels on YouTube: Ministry of I&B pic.twitter.com/V4WaJPvLfH

— ANI (@ANI) August 18, 2022

આ ચેનલો પર દેશની છબી બગાડનાર કન્ટેન્ટ ફેલાવવાનો આરોપ

માહિતી અને પ્રસારણ મંત્રાલયના જણાવ્યા અનુસાર, કેન્દ્ર (ભારત) સરકારે IT નિયમ, 2021 અંતર્ગત 7 ભારતીય અને એક પાકિસ્તાન આધારિત YouTube ન્યૂઝ ચેનલોને બ્લોક કરી દીધી છે. બ્લોક કરવામાં આવેલી YouTube ચેનલોને 114 કરોડથી વધુ વ્યૂઝ અને 85 લાખ 73 હજાર સબ્સ્ક્રાઇબર્સ હતા. આ YouTube ચેનલો પર ભારત વિરુદ્ધ નકલી સામગ્રી ફેલાવવાનો આરોપ છે.

ગયા વર્ષે 747 વેબસાઈટ અને 94 ચેનલો બંધ કરાઇ

21 જુલાઈના રોજ, માહિતી અને પ્રસારણ મંત્રી અનુરાગ ઠાકુરે રાજ્યસભામાં જણાવ્યું હતું કે 2021-22માં દેશ વિરોધી કન્ટેન્ટ ફેલાવવા બદલ લગભગ 94 યુટ્યુબ ચેનલ્સ અને 19 સોશિયલ મીડિયા એકાઉન્ટ બંધ કરવામાં આવ્યા હતા. આ સાથે 747 URLs એટલે કે વેબસાઇટ્સ પણ બંધ કરી દેવામાં આવી છે.

17 જુલાઈના રોજ 78 YouTube ચેનલો પર પ્રતિબંધ મૂકાયો

માહિતી અને પ્રસારણ મંત્રીએ 78 YouTube ન્યુઝ ચેનલો અને તેઓના સોશિયલ મીડિયા એકાઉન્ટ્સને બ્લોક કરી દીધા હતા. IT એક્ટ 2000ની કલમ 69Aના ઉલ્લંઘનના આરોપમાં આ કાર્યવાહી કરવામાં આવી હતી.

25 એપ્રિલના રોજ 16 YouTube ચેનલો પર પ્રતિબંધ મૂક્યો હતો

એપ્રિલ મહિનામાં પણ ભારતની રાષ્ટ્રીય સુરક્ષા, વિદેશી સંબંધો અને જાહેર વ્યવસ્થા સાથે સંબંધિત દુષ્પ્રચાર ફેલાવવા બદલ 16 YouTube ન્યુઝ ચેનલોને બ્લોક કરવામાં આવી હતી. જેમાંથી 10 જેટલી ચેનલો ભારતીય હતી અને 6 પાકિસ્તાન આધારિત YouTube ચેનલ હતી. IT નિયમ, 2021 હેઠળ ઇમરજન્સી શક્તિઓનો ઉપયોગ કરીને આ YouTube ચેનલોને બ્લૉક કરવામાં આવી હતી. સરકારે કહ્યું હતું કે, બ્લોક કરાયેલી YouTube ન્યુઝ ચેનલના દર્શકોની સંખ્યા 68 મિલિયનથી વધારે હતી.