દૂર્ઘટના / અમદાવાદમાં ડેનીમ કંપનીમાં આગ મામલે 3ની ધરપકડ, ગઈકાલે 7 કારીગર જીવતા ભુંજાઈ ગયા હતા

• DNA અને પીએમ રિપોર્ટ આવ્યા બાદ પરિવારને મૃતદેહ અપાશે
• આગમાં કુલ 7 શ્રમિકોના થયા છે મોત
• આગ મામલે 6 લોકો સામે થઈ છે ફરિયાદ, પોલીસે 3 લોકોની કરી છે ધરપકડ

અમદાવાદના નારોલમાં આવેલી નંદમ ડેનિમ કાપડની ફેક્ટરીમાં આગ લાગતા 7 લોકોના મોત થયા છે. ત્યારે હવે આ મામલે પોલીસ સામે કાર્યવાહી કરવામાં આવી છે.

પરિવારજનોએ ગઈ કાલે મૃતદેહ સ્વીકારવાની ના પાડી દીધી હતી અને ફેક્ટરીના માલિકો સામે પગલા લેવા માંગ કરી હતી. ફેક્ટરીમાં ઉતરવા માટે એક જ સીડી હોવાને કારણે 7 જણાના જીવ ગયા હોવાનો પરિવારનો ફેક્ટરીઓના માલિક સામે આરોપ છે. 

પોલીસે કરી ધરપકડ

પોલીસ દ્વારા જ્યોતિ ચિરીપલ, દીપક ચીરીપલ, બી.સી.પટેલ, એચ.એમ.પટેલ, રવિકાન્ત સિંહા, પી.કે.શર્મા, ડી.સી. પટેલ સામે ફરિયાદ થઈ છે.. આ મામલે અત્યાર સુધી ત્રણ લોકોની ધરપકડ કરવામાં આવી છે.. પોલીસ દ્વારા મૃતકોની ઓળખ કરવા માટે DNA અને FSLની મદદ લેવામાં આવી છે.

ઉઠી રહ્યા છે પ્રશ્નો

આ ફેક્ટરીમાં જ કેમ દર વર્ષે આગની ઝપેટમાં આવે છે?
ચિરીપાલ ગ્રુપની ફેક્ટરીમાં જ કેમ દર વર્ષે કેમ આગ લાગે છે?
શું આ કંપનીની દિવસે દિવસે રેટિંગ ઘટી રહી છે?
નુકસાન થતા કંપનીના માલિકો જ આગ લગાવે છે?
શું માલિકોના મનસુબા વીમો પાસ કરાવવાના છે?
આ કંપનીના માલિકો સામે કેમ કાર્યવાહી નહી?
શું કંપનીના માલિકો રાજકીય વગ ધરાવે છે?
શ્રમિકોના મોત મામલે પોલીસ કેમ કાર્યવાહી કરતી નથી?
આ કંપનીમાં દર વર્ષે આગ લાગ્યા બાદ પણ કેમ કાર્યવાહી નહી?
આ ફેક્ટરીને તંત્ર દ્વારા કેમ સીલ કરવામાં આવતી નથી?