ગુજરાત ATSને 175 કરોડનાં પકડાયેલાં ડ્રગ્સમાં સફળતા મળી છે. પાકિસ્તાનથી આવેલા 5 આરોપીઓને ડ્રગ્સ સાથે ATS પકડી પાડી મોટી સફળતા મેળવી હતી. આ આરોપીઓની પુછપરછ માટે ATSએ રિમાન્ડ માંગ્યા હતાં. જેમનાં રિમાન્ડ મંજૂર થયા છે.
ગુજરાત ATS દ્વારા ઝડપાયેલા ડ્રગ્સનો મામલો
5 આરોપીના 7 દિવસના રિમાન્ડ મંજૂર
આરોપી અને ડ્રગ્સ માફિયાની કરાશે તપાસ
આરોપીનાં 7 દિવસનાં રિમાન્ડ મંજુર કર્યાં છે
ગુજરાત ATSએ ડ્રગ્સની હેરાફેરી કરનારા 5 આરોપી સાથે 175 કરોડનું ડ્રગ્સ ઝડપ્યું હતું. તેમની આ સફળતા બાદ તેમની વધુ એક સફળતા મળી છે. ગુજરાત ATSએ ઝડપેલા 5 આરોપીઓની ધરપકડ કરાઈ હતી. આ પાંચેય આરોપીઓને કોર્ટમાં હાજર કરવામાં આવ્યાં હતાં. ATSએ આ તમામ આરોપીઓનાં રિમાન્ડ માંગવામાં આવ્યાં હતાં. જેમાં કોર્ટે તમામ આરોપીનાં 7 દિવસનાં રિમાન્ડ મંજુર કર્યાં છે.
આરોપીઓ અને ડ્રગ માફિયા કોણ છે?
રિમાન્ડનાં મુદ્દે પણ ATSને સફળતા મળી છે. ATSખાસ કરીને આ મામલે આરોપીઓ અને ડ્રગ માફિયા કોણ છે? તે અંગેની તપાસ કરશે. પાકિસ્તાની આરોપીઓએ ATS સમક્ષ કબૂલાત કરી છે કે તેઓ કેમિકલનાં બહાને ડ્રગ્સ અને હેરોઈનની હેરાફેરી કરતા હતા. ત્યારે કોણ કેટલીવાર ભારત આવ્યું છે. કોને ડ્રગ્સ પહોંચાડતા હતાં. અત્યાર સુધીમાં કેટલો જથ્થો ભારતમાં ઘૂસાડવામાં આવ્યો છે.
કયાં લોકેશન પર ડ્રગ્સની હેરાફેરી કરવાના હતા
કચ્છના જખોના બંદર પાસેથી 175 કરોડના હેરોઇનના જથ્થા કેસમા પાંચ પાકિસ્તાની ધરપકડ બાદ મોટો ખુલાસો આવ્યો સામે.. કેમીકલ ના બહાને ડ્રગ્સની હેરાફેરીનુ હતુ ષડયંત્ર.. ગુજરાત ATSએ પાંચ પાકિસ્તાનીઓને આજે વહેલી સવારે અમદાવાદ ATS ઓફીસ લાવ્યા.. તમામ આરોપીના સાત દિવસના રિમાન્ડ મેળવ્યા. આ ડ્રગ્સનો જથ્થો ગુજરાતનાં કયાં ડ્રગ્સ માફિયા સુધી પહોચવાનો હતો અને કયાં લોકેશન પર ડ્રગ્સની હેરાફેરી કરવાના હતા તે મુદ્દે તપાસ શરૂ કરી.
શું હતો મામલો
ઉલ્લેખનીય છે કે પાકિસ્તાની બોટ દ્વારા નશાકારક દ્રવ્યોની ડિલિવરી કરવામાં આવશે, તેવી બાતમીના આધારે ગુજરાત ATS, કોસ્ટગાર્ડ અને SOGની સંયુક્ત કાર્યવાહીમાં અનીસ ઈશા ભાટી, ઈસ્માઈલ મોહંમદ કચ્છી, અશરફ ઉસ્માન કચ્છી, કરીમ અબ્દુલ્લા કચ્છી, અબુ બકર અશરફ સુમરા (તમામ રહે. કરાચી, પાકિસ્તાન)ની ધરપકડ કરી હતી. અગાઉ ગત વર્ષે મે મહિનામાં જખૌ દરિયામાંથી ૧૦૦૦ કરોડનું ડ્રગ્સ ઝડપી પાડવામાં આવ્યું હતું.