અમદાવાદ / EXCLUSIVE : અમદાવાદ જિલ્લા પંચાયતમાં 7 કરોડનું કૌભાંડ, નિવૃત્ત શિક્ષકોના નામે પૈસા કર્યા ચાંઉ, 3 કર્મીઓ સસ્પેન્ડ

• જુદા જુદા કામે 7 કરોડનું કૌભાંડ આચરવામાં આવ્યું 
• સમગ્ર મામલે 3 સરકારી કર્મચારીઓ સસ્પેન્ડ 
• સહી વગરનો રિપોર્ટ સરકારને મોકલવામાં આવ્યો 

અમદાવાદમાં અવાર નવાર ભ્રષ્ટાચાર અને કોંભાંડોના કેસ સામે આવતકા હોય છે. ત્યારે વધુંમાં  ફરી વાર શહેરમાં 7 કરોડના કૌભાંડનો મામલો સામે આવ્યો છે. જેમા અલગ અલગ કામોમાં ગેરરીતી થઈ હોવાનું સામે આવ્યો છે. આ સમગ્ર મામલે પહેલા તપાસ કરવામાં આવી હતી. ત્યારબાદ તેનો રિપોર્ટ સબમીટ કરવામાં આવ્યો છે. 

નિવૃત્ત શિક્ષકોના પગાર અને રજાના નામે કોભાંડ

જિલ્લા પંચાયત દ્વારા આ કૌભાંડનો રિપોર્ટ સરકાર સમક્ષ સબમીટ  કરવામાં આવ્યો છે. જેમા દસ્ક્રોઈ, માંડલ અમદાવાદ શહેર અને દેત્રોજમાં કૌભાંડ થયું હોવાનું સામે આવ્યું છે. કોભાંડ આચરનાર કર્મચારીઓએ ખોટા બીલ બનાવીને આ કૌભાંડ આચર્યું હતું. જેમા નિવૃત્ત શિક્ષકોના રજા પગાર અને મેડિકલ બિલના નામે આ કૌભાંડલ આચરવામાં આવી રહ્યું હતું. 

ત્રણ કર્મચારી સસ્પેન્ડ 

આ સમગ્ર મામલે નાયબ હિસાબનીશ અદિકારી રાજેશ રામી, તેમજ તાલુકા શિક્ષણ અદિકારી આશા યાદવ અને ચંદ્રિકા પટેલ શામેલ હોવાનું સામે આવ્યું છે. જેમા ત્રણેયને તેમની કરતૂતને કારણે આજે સસ્પેન્ડ થવાનો વારો આવ્યો છે. 

DDOની સહી વગર રિપોર્ટ સરકારને આપવામાં આવ્યો 

સમગ્ર મામલે જો વિગતવાર વાત કરવામાં આવે તો DDOની સહી વગરજ રિપોર્ટ સરકારને આપવામાં આવ્યો હતો. જેના કારણે આ વિવાદ વકર્યો છે. જોકે સરકારને આ મામલે જાણ થતા તેમણે રિપોર્ટના આધારે કૌભાંડમાં સંડોવાયેલા 3 કર્મચારીઓને સસ્પેન્ડ કર્યા છે. બીજી તરફ DDO દ્વારા એવી માહિતી આપવામાં આવી જે રિપોર્ટ સહિ વગર સરકારને મોકલવામાં આવ્યા છે. તે રિપોર્ટ માત્ર બ્રિફિંગ રિપોર્ટ હતા. જેથી ઘણા સવાલો ઉભા થયા છે.