ક્રાઈમ / રશિયાની સ્કૂલમાં ભયાનક હુમલો, યુવાને ગોળીબાર કરીને 7 બાળકો સહિત 14ની હત્યા કરી, છેલ્લે જાતે મર્યો

• રશિયાની સ્કૂલમાં હુમલાખોરે કર્યો અંધાધૂંધ ગોળીબાર
• 7 બાળકો સહિત 14 લોકોના મોત 
• હુમલાખોરે જાતે ગોળી મારીને આપઘાત કર્યો

મધ્ય રશિયાના ઈઝેવસ્કની એક સ્કૂલમાં એક અજાણ્યા યુવાને તેની પાસે રહેલી ઓટોમેટિક રાઈફલથી અંધાધૂંધ ગોળીબાર કરીને 14 લોકોને મોતને ઘાટ ઉતાર્યાં હતા. મૃતકોમાં 7 બાળકો પણ સામેલ છે. ચાલુ સ્કૂલમાં યુવાન અંદર ઘસી આવ્યો હતો અને અંધાધૂંધ ગોળીબાર કરીને લોકોને મોતને ઘાટ ઉતાર્યાં હતા. ગોળીબારને કારણે સ્કૂલમાં અફરાતફરી મચી હતી અને જીવ બચાવવા લોકો અને બાળકોની નાસભાગ મચી હતી. ગોળીબાર કરનાર યુવાનની ઓળખ થઈ શકી નથી પરંતુ તે જાણે ગાંડો બની હોય તેમ ફાયરિંગ કરતો રહ્યો હતો. આખરે જ્યારે ગોળીઓ ખૂટી ત્યારે તે ધીરો પડ્યો હતો અને અંતે બચેલી એક ગોળી પોતાની જાતને મારીને મરી ગયો હતો. આ ઘટનાના ઉગ્ર પડઘાં પડ્યાં છે. ફાયરિંગને પગલે તાત્કાલિક સુરક્ષા એજન્સીઓ દોડતી થઈ હતી અને વિસ્તારની ઘેરાબંધી કરી લીધી હતી અને લોકોની અવરજવર અટકાવી દેવાઈ હતી. 

Death toll in school shooting in Russia rises to 13, including 7 children, reports AP

— Press Trust of India (@PTI_News) September 26, 2022

ઓટોમેટિક રાઈફલથી ગોળીઓ ખૂટી ત્યાં સુધી કરતો રહ્યો ફાયરિંગ 

રશિયન સમાચાર એજન્સીના જણાવ્યાનુસાર, સ્કૂલ જ્યારે ચાલુ હતી ત્યારે એક અજાણ્યો પીળા શર્ટ અને પેન્ટ પહેરલો યુવાન અંદર ઘુસી આવ્યો હતો. તેના હાથમાં ઓટોમેટિક રાઈફલ હતી, તેણે સ્કૂલમાં અંધાધૂઘ ગોળીબાર કર્યો હતો જેમાં 7બાળકો સહિત 14 લોકોના ઘટનાસ્થળે જ મોત થયા હતા. ગોળીબારમાં 21 લોકોના ઘાયલ થવાની પણ ખબર છે. યુવાન તેની ઓટોમેટિક રાઈફલથી ગોળીઓ છોડતો રહ્યો હતો અને છેલ્લી એક ગોળી બાકી હતી ત્યારે તે અટક્યો હતો. તેણે છેલ્લી ગોળી પોતાને મારી નાખવા માટે વાપરી હતી. 

હુમલાનું કારણ જાણવા મળ્યું નથી 
હુમલાખોરે હુમલા બાદ જાત ગોળી મારીને આપઘાત કર્યો હતો. જોકે તેણે શા માટે હુમલો કર્યો તેનું કારણ જાણવા મળ્યું નથી. 

ઇઝહેવ્સ્ક મોસ્કોથી 1,000 કિલોમીટર દૂર 
આશરે 6,30,000 લોકોનું શહેર, ઇઝહેવ્સ્ક રશિયાના ઉદમર્ટ રિપબ્લિકની પ્રાદેશિક રાજધાની છે, જે મોસ્કોથી લગભગ 1,000 કિલોમીટર (620 માઇલ) પૂર્વમાં સ્થિત છે.