સાબરકાંઠામાં આવેલ તલોદ નગરપાલિકા ભાજપમાં અંદરોઅંદર વિખવાદ જોવા મળ્યો છે. અહીયા ભાજપના 7 કોર્પોરેટરોએ એકસાથે રાજીનામું આપી દીધુ જેના કારણે હડકંપ મચી ઉઠ્યો છે.
સાંબરકાંઠા ભાજપમાં અંદરોઅંદર વિખવાદ વધ્યો
તલોદ નગરપાલિકાના 7 કોર્પોરેટરોએ આપ્યા રાજીનામા
કોર્પોરેટરોના રાજીનામાને લઈને રાજકારણમાં હડકંપ
એક તરફ ગુજરાતમાં ચૂંટણી નજીક આવી રહી છે. ત્યારે આવા સમયે સાબરકાંઠા ભાજપમાં અંદરો અંદર વિખવાદ જોવા મળી રહ્યો છે. અહીયા ભાજપમાં ભડકા જેવી સ્થિતી ઉભી થઈ છે તેવું કહી શકાય કારણકે એક સાથે અહીયા કુલ 7 કોર્પોરેટરોએ રાજીનામા આપી દીધા છે. જેના કારણે હડકંપ મચી ઉઠ્યો છે.
પાલિકાના હોદ્દેદારો ઉપેક્ષા કરતા હતા
તલોદ નગરપાલિકાના ભાજપના 7 કોર્પોરેટરોએ રાજીનામા આપી દીધા છે. જેના પાછળનું કારણ એ આવ્યું છે કે પાલિકાના હોદ્દેદારો દ્વારા ઉપેક્ષા કરાતી હતી જેથી કોર્પોરેટર દ્વારા રાજીનામા આપવામાં આવ્યા છે.
રાજીનામા પડતા તલોદમાં હડકંપ
પાલિકાના હોદ્દેદારો પર એવો આક્ષેપ લાગ્યો છે કે તેઓ મનસ્વી રીતે વહીવટ કરે છે. જેની કોઈને જાણ પણ નથી થતી જેથી કોર્પોરેટર્સ ચીફ ઓફીસરને સાતેય કોર્પોરેટરોએ રાજીનામા આપી દીધા છે. જેના કારણે તલોદ પંથકમાં હડકંપ મચી જવા પામ્યો છે. સાથેજ સાબરકાંઠાના રાજકારણમાં પણ એકાએક ગરમાવો જોવા મળ્યો છે.
24માંથી 13 બેઠકો ભાજપ પાસે
આપને જણાવી દઈએ કે નગરપાલિકામાં કુલ 24માંથી 13 બેઠકો ભાજપ પાસે છે. જ્યારે 11 સભ્યો કોંગ્રેસના છે. અહીયા અઢી વર્ષ સુધી કોંગ્રેસનું શાસન રહ્યું હતું. કોંગ્રેસના 3 સભ્યોએ ભાજપને ટેકો આપીને સત્તા મેળવી હતી અને કોંગ્રેસના સભ્યનેજ નગરપાલિકામાં પ્રમુખ બનાવામાં આવ્યા હતા. જોકે હાલ 7 કોર્પોરેટરોએ રાજીનામા આપી દીધા છે. જેથી હોદ્દેદારો દોડતા થઈ ગયા છે.