પોતાના પુત્રની પાસે જઇને અમેરિકામાં રહેતો એક શખ્સ ભારતમાં એક મીઠાઈની દુકાનના 28 રૂપિયા ચૂકવવાનું ક્યારેય ભૂલ્યો નહીં. 68 વર્ષ બાદ 85 વર્ષની ઉંમરે આ શખ્સ અમેરિકાથી ભારત આવ્યો અને 28 રૂપિયાના બદલે 10 હજાર રૂપિયા ચૂકવ્યાં. આ ઘટના હરિયાણાના હિસાર જિલ્લાની છે.
68 વર્ષ બાદ 85 વર્ષની ઉંમરે એક શખ્સ અમેરિકાથી ભારત આવ્યો
મીઠાઈની દુકાનના માલિકને 28 રૂપિયા ચૂકવવા માટે આવ્યો ભારત
મીઠાઈના માલિકે કર્યો ઈન્કાર, શખ્સની જીદના કારણે પરાણે રૂપિયા સ્વીકાર્યા
શહેરમાંથી બહાર ગયો હતો
હરિયાણામાં પ્રથમ નૌસેના બહાદૂરી પુરસ્કારથી સન્માનિત થનારા નૌસેના કોમોડોર બીએસ ઉપ્પલ નિવૃત્ત થયા બાદ પોતાના પુત્રની પાસે અમેરિકામાં રહે છે. તેઓ હિસારના મોતી બજાર સ્થિત દિલ્હીની મિઠાઈની દુકાન પાસે પહોંચ્યા અને દુકાનના માલિક વિનય બંસલને જણાવ્યું કે તમારા દાદા શમ્ભૂ દયાલ બંસલને મારે 1954માં 28 રૂપિયા આપવાના હતા. પરંતુ મારે અચાનક શહેરમાંથી બહાર જવુ પડ્યુ હતુ અને નૌસેનામાં નોકરીમાં ભરતી થવુ પડ્યુ.
રૂપિયા પાછા આપવા હું અમેરિકાથી ભારત આવ્યો છું
ઉપ્પલે જણાવ્યું, તમારી દુકાનમાં હું દહીની લસ્સીમાં પેંડા નાખીને પીતો હતો. જેના 28 રૂપિયા મારે આપવાના હતા. ફોજી સેવા દરમ્યાન હિસાર આવવાની તક ના મળી અને નિવૃત થયા બાદ હું અમેરિકા પોતાના પુત્રની પાસે જતો રહ્યો. અમેરિકામાં મને હિસારની બે વાતો હંમેશા યાદ રહેતી હતી. એક તો તમારા દાદાજીને 28 રૂપિયા આપવાના હતા અને બીજા હરજીરામ હિન્દૂ હાઈ સ્કૂલમાં દસમુ ધોરણ પાસ કર્યા બાદ હું ગયો ન હતો. પોતાની ઉધાર રકમ ચૂકવવા અને પોતાની શિક્ષણ સંસ્થાને જોવા માટે વિશેષ રીતે હું હિસાર આવ્યો છું.
દુકાનના માલિકે મુશ્કેલીપૂર્વક આ રકમ સ્વીકારી
બીએસ ઉપ્પલે વિનય બંસલના હાથમાં દસ હજારની રકમ મૂકી તો તેમણે લેવાનો ઈન્કાર કર્યો. ઉપ્પલે આગ્રહ કર્યો કે મારા માથા પર તમારી દુકાનનું ઋણ છે. જેમાંથી મુક્ત થવા માટે મહેરબાની કરીને આ રકમ સ્વીકારી લો. હું અમેરિકાથી ખાસ તેના માટે આવ્યો છું. મારી ઉંમર 85 વર્ષ છે. તેથી આ રકમને સ્વીકારી લો. વિનય બંસલે મુશ્કેલીપૂર્વક આ રકમને સ્વીકારી અને ઉપ્પલે રાહતનો શ્વાસ લીધો. ત્યારબાદ ઉપ્પલ પોતાની શાળામાં ગયા પરંતુ શાળાને બંધ જોઈને તેઓ નિરાશ થયા.