શહેરના એસજી હાઈવે, રિંગરોડ જેવા હાઈવે પર સૌથી વધુ અકસ્માત
આપણા અમદાવાદના માર્ગ રાત હોય કે દિવસ હંમેશા વાહનોની ચહેલ પહેલથી ભરેલા જોવા મળે છે. રાત્રે પણ મુખ્યમાર્ગો પર વાહનોની અવર જવર તો જોવા મળી જ જાય ત્યારે હવે આપણા સ્માર્ટ સિટી અમદાવાદના માર્ગો પર અકસ્માતોની સંખ્યા પણ એટલી જ વધી રહીં છે.
અમદાવાદમાં અકસ્માતના 2 બનાવમાં 2ના મોત
આજે જ અમદાવાદમાં હિટ એન્ડ રનની ઘટનામાં એક યુવકનું કમકમાટી ભર્યું મોત નીપજ્યું છે. રાજપથ ક્લબ ખાતે બનેલી આ ઘટનામાં થલતેજમાં રહેતા યુવાનને અજાણ્યા વાહન ચાલક ટક્કર મારીને ફરાર થઈ ગયો છે.ટ્રાફિક પોલીસે અજાણ્યા વાહન ચાલક સામે ગુનો નોંધી તપાસ આદરી છે. બીજી તરફ અમદાવાદમાં VS હોસ્પિટલ પાસે ST બસ અને રિક્ષાનો અકસ્માત સર્જાયો છે જેમાં રિક્ષા ચાલકે જીવ ગુમાવ્યો છે. અકસ્માની ઘટના CCTVમાં કેદ થઈ ગઈ છે.M ડિવિઝન ટ્રાફિક પોલીસે ગુનો નોંધી તપાસ હાથ ધરી છે.
19 મહિનામાં 677 જેટલા લોકોએ રોડ અકસ્માતમાં જીવ ગુમાવ્યા
અમદાવાદ શહેરના માર્ગો પર છેલ્લા 19 મહિનાઓમાં 622 અકસ્માતના કેસોમાં 677 જેટલા લોકોએ જીવ ગુમાવ્યા હોવાનો આંકડો ટ્રાફિક પોલીસના ચોપડે નોંધાયો છે. વર્ષ 2022ના જાન્યુઆરીથી જુલાઇ મહિના સુધીમાં જ અકસ્માતના કુલ 845 કેસ પોલીસ ચોપડે નોંધાઇ ચુક્યા છે જેમાંથી પોલીસે 265 કેસ ફેટલ અકસ્માતના ગણાવ્યા છે.
કયા વિસ્તારોમાં અકસ્માતના હોટસ્પોટ
અમદાવાદમાં ફેટલ અકસ્માતો વધવા અંગે વાતચીત કરતા અમદાવાદ શહેર ટ્રાફિક JCP મયંકસિંહ ચાવડાએ જણાવ્યુ હતુ કે અમદાવાદ શહેરના કેટલાક વિસ્તારોમાં ફેટલ અકસ્માતોના કેસોમાં વધારો જોવા મળ્યો છે ત્યારે આવા વિસ્તારોના હોટ સ્પોટ અંગે સ્ટડી કરાવાઇ રહીં છે સાથે સાથે આવા હોટ સ્પોટ પર શું કાર્યવાહી કરવી જોઇએ તે અંગે નેશનલ હાઇવે ઓથોરિટી અને મનપા સાથે સંપર્ક કરી કાર્યવાહી કરાવી રહ્યાં છીએ. અમદાવાદના એસજી હાઇવે, નરોડા, વિશાલ જંક્શન, નારોલ રોડ, રિંગરોડ પર અકસ્માતોમાં ફેટલ અકસ્માતના કેસો વધી રહ્યાં છે.
ચાલુ વર્ષના 7 મહિનામાં 265ના મોત
અમદાવાદ શહેરમાં ચાલુ વર્ષના 7 મહિનામાં જ 265 જેટલા લોકો અકસ્માતમાં મૃત્યુ પામ્યાના કેસો પોલીસ ચોપડે નોંધાયા છે જ્યારે ગતવર્ષે પણ 403 જેટલા લોકોએ અકસ્માતમાં જીવ ગુમાવ્યા હતા. ફેટલ અકસ્માતો ઘટાડવા અંગે વાત કરતા ટ્રાફિક JCPએ જણાવ્યુ હતુ કે ફેટલ અકસ્માતો ઘટાડવા એ ખુબ જ જટિલ સમસ્યા છે છતા પણ અકસ્માતો ઘટાડવા ટ્રાફિક પોલીસ એરિયા એડોપ્શન જેવી બાબતો અપનાવી રહીં છે તો રોડના ઓડિટ કરાવી અને NGO પાસેથી પણ માહિતી મેળવીને પોલીસ જરૂરી કાર્યવાહી કરી રહીં છે
અમદાવાદ શહેરમાં અકસ્માતોની વિગત
વર્ષ 2022
ગુના
મરણ
પુરૂષ
સ્ત્રી
જાન્યુઆરી
36
39
28
11
ફેબ્રુઆરી
31
33
32
1
માર્ચ
34
34
30
4
એપ્રિલ
39
40
35
5
મે
44
47
40
7
જૂન
39
40
32
8
જુલાઇ
41
41
37
4
ઓવરસ્પીડને લીધે અકસ્માતોમાં વધારો: ટ્રાફિક JCP મયંકસિંહ ચાવડા
અમદાવાદ શહેરના મુખ્યમાર્ગો પર થતા અકસ્માતોના મુખ્ય કારણ અંગે વાત કરતા ટ્રાફિક JCP મયંકસિંહ ચાવડા નિવેદન આપતા કહ્યું છે કે અકસ્માતો પાછળ ઓવર સ્પીડ મુખ્યકારણ હોવાનું સામે આવી રહ્યું છે. માર્ગ અકસ્માતનો સૌથી વધુ ભોગ રાહદારીઓ અને ટૂ વ્હીલર ચાલકો વધુ બની રહ્યાં છે. ઓવરસ્પીડિંગના બનાવો પર નિયંત્રણ મેળવવા માટે પોલીસ E-મેમોનો સહારો પણ લઇ રહીં છે જેથી કરીને અકસ્માતોની ઘટનાઓ ઓછી કરી શકાય