કહેર / આ રાજ્યમાં વધ્યો ડેલ્ટા પ્લસ વેરિઅન્ટનો હડકંપ, કુલ 66 કેસમાંથી 5 દર્દીના થયા મોત

• મહારાષ્ટ્રમાં વધ્યો ડેલ્ટા વેરિઅન્ટનો કહેર
• 66 કેસમાંથી 5 દર્દીના થયા મોત
• વેક્સિનના ડોઝ લેનારા પણ થયા શિકાર

મહારાષ્ટ્રમાં કોરોના વાયરસના ડેલ્ટા સ્વરૂપથી સંક્રમિત થયેલા 66 દર્દીઓ મળ્યા છે તેમાંથી 5ના મોત થયા છે. આ 66 દર્દીમાંથી કેટલાકે વેક્સિનના બંને ડોઝ લીધા હતા. રાજ્યના સ્વાસ્થ્ય વિભાગે આપેલી જાણકારી અનુસાર રાજ્યના અલગ અલગ ભાગમાંથી લેવાયેલા નમૂનાના જીનોમ તપાસમાં આ માહિતિ સામે આવી છે. મુંબઈમાં કોરોના વાયરસના ડેલ્ટા પ્લસ સ્વરૂપના સંક્રમણથી 63 વર્ષની મહિલાનું પહેલું મોત થયું હોવાની માહિતિ મળી રહી છે.  

મહિલાએ લીધા હતા વેક્સિનના બંને ડોઝ
બીએમસીના અધિકારીએ કહ્યું કે વાયરસના અનેક રૂપથી જુલાઈના અંતિમ અઠવાડિયામાં જીવ ગુમાવનારામાં એક વૃદ્ધ મહિલાનો સમાવેશ થાય છે. આ મહિલાએ વેક્સિનના બંને ડોઝ લીધા હતા. બીએમસી અધિકારીએ કહ્યું કે મહિલાના મોત બાદ તેના નજીકના સંપર્કમાં રહેતા ઓછામાં ઓછા 2 લોકોમાં વાયરસના સ્વરૂપના સંક્રમણની પુષ્ટિ થઈ છે. વાયરસનું આ રૂપ ખૂબ જ સંક્રામક છે. 

આ વિસ્તારમાં વધી રહ્યા છે કેસ
ડેલ્ટા સ્વરૂપથી સૌથી વધારે 13 કેસ ઉત્તરી મહારાષ્ટ્રના જળગાંવમાં જોવા મળી રહ્યા છે. રત્નાગિરિથી 12 અને મુંબઈમાં 11 કેસ આવ્યા છે. અન્ય કેસ અન્ય વિસ્તારોમાંથી આવી રહ્યા છે. ચોંકાવનારી વાત તો એ છે કે કોરોનાના બંને ડોઝ લેનારા પણ વધારે પ્રમાણમાં શિકાર બની રહ્યા છે અને ડેલ્ટાથી લોકોના મોતની માહિતિ સામે આવી રહી છે. 

ઉલ્લેખનીય છે કે મહારાષ્ટ્રમાં કોરોના એક વાર ફરીથી માથું ઉંચકી રહ્યો છે. શુક્રવારે 6686 કેસ આવ્યા છે અને 158 લોકોના મોત થયા છે. અહીં કુલ કેસ  6382076 અને કુલ મોતની સંખ્યા 134730ને પાર થઈ છે.