સાડા છ વર્ષની બાળકીએ પાંચ લોકોનો બચાવ્યો જીવ, માથામાં ગોળી વાગતા બાળકીને જાહેર કરાઇ હતી બ્રેઇનડેડ
સાડા છ વર્ષની દિકરીએ અન્ય 5 લોકોના બચાવ્યા જીવ
દિકરીને માથામાં વાગી હતી ગોળી
બ્રેઇન ડેડ જાહેર કરાતા કરવામાં આવ્યું અંગદાન
નોઇડાની સાડા છ વર્ષની દિકરીના અંગદાનને કારણે આજે પાંચ લોકોની ખુશીથી જિંદગી જીવી રહ્યા છે. જી, હા વાતછે દિલ્હીના નોઇડાની. 27 એપ્રિલના રોડ સાડા 6 વર્ષની દિકરી બ્રેઇડ ડેડ જાહેર કરાતા પરિવારે તેના અંગોનું દાન કરવાનું નક્કી કર્યુ હતું. પરિણામે પાંચ લોકોના જીવ બચી ગયા.
સાડા વર્ષની દિકરીને માથામાં વાગી હતી ગોળી
વાત છે સાડા વર્ષની દિકરી રોલીની. માથામાં ગોળી વાગતા તેને હોસ્પિટલ લઇ જવામાં આવી હતી. પરંતુ તે કોમામાં જતી રહી હતી. ત્યારબાદ તેને એઇમ્સમાં લઇ જવાઇ હતી. ત્યાં તેને ડોક્ટરોએ બ્રેઇન ડેડ જાહેર કરવામાં આવી હતી. જણાવી દઈએ કે રોલી એઈમ્સના ઈતિહાસમાં અંગ દાન કરનાર સૌથી યુવા દાતા પણ બની ગઈ છે.
રોલીના મગજને નુકસાન થયુ હતું
મળતી માહિતી અનુસાર AIIMSના સિનિયર ન્યુરોસર્જન ડૉ. દીપક ગુપ્તાએ જણાવ્યું કે સાડા છ વર્ષની બાળકી રોલી 27 એપ્રિલે હોસ્પિટલ પહોંચી હતી. તેને ગોળી વાગી હતી અને ગોળી મગજમાં ફસાઈ ગઈ હતી. મગજને સંપૂર્ણ નુકસાન થયું હતું. તે લગભગ બ્રેઈન ડેડ હાલતમાં હોસ્પિટલ પહોંચી. અમે પરિવારના સભ્યો સાથે વાત કરી.
પરિવારને સમજાવ્યું અંગદાનનું મહત્વ
ન્યુરો સર્જને કહ્યું કે અમારી ટીમે બાળકીના માતા-પિતા સાથે બેસીને અંગદાન અંગે વાત કરી. અમે માતા-પિતાનું કાઉન્સેલિંગ કર્યું અને તેમની સંમતિ માગી કે શું તેઓ અન્ય બાળકોના જીવ બચાવવા રોલીના અંગોનું દાન કરવા તૈયાર છે કે કેમ. આથી રોલી પ્રજાપતિના માતા-પિતાએ તેમની પુત્રીના અંગોનું દાન કર્યું હતું.ડો. ગુપ્તાએ કહ્યું કે રોલીના માતા પિતા અંગદાન વિશે વધારે જાણતા ન હોવા છતાં તેઓએ અંગદાન કર્યુ તેના માટે અમે તેમના આભારી છીએ. આ કારણોસર રોલીએ અન્ય 5 લોકોના જીવ બચાવ્યા.
પુત્રીએ અન્યના જીવનમાં સ્મિત ફેલાવ્યું
તેમની પુત્રીના અંગોનું દાન કર્યા પછી, રોલીના પિતા હરનારાયણ પ્રજાપતિએ જણાવ્યું હતું કે ડો. ગુપ્તા અને તેમની ટીમે અમને અંગદાન માટે સલાહ આપી હતી કે અમારું બાળક અન્ય લોકોના જીવન બચાવી શકે છે. અમે તેના વિશે વિચાર્યું અને નક્કી કર્યું કે તે અન્ય લોકોના શરીરમાં જીવશે. અને તેમના જીવનમાં સ્મિત ફેલાવશે. રોલીની માતા પૂનમ દેવીએ કહ્યું કે તેમની પુત્રી હવે તેમની સાથે નથી, તેમ છતાં તે અન્ય લોકોનો જીવ બચાવવામાં સફળ રહી છે