પાંચમાં તબક્કાનું મતદાન આજરોજ પૂર્ણ થયું, 2 તબક્કાનું મતદાન હજી બાકી છે. ત્યારે પ્રથમ તબક્કામાં 69.50%, બીજા તબક્કામાં 69.44%, ત્રીજા તબક્કામાં 68.40%, ચોથા તબક્કામાં 65.51% તથાં પાંચમાં તબક્કામાં સરેરાશ 64 ટકા જેટલું મતદાન થવા પામ્યું હતું.
પાંચમાં તબક્કામાં યોજાયેલ મતદાનમાં રાજ્યવાર બેઠકની વાત કરવામાં આવે તો બિહારની 5, જમ્મૂ કાશ્મીરની 2, ઝારખંડની 4, મધ્યપ્રદેશની 7, ઉત્તરપ્રદેશની 14, પશ્વિમ બંગાળની 7 અને રાજસ્થાનની 12 બેઠકો પર મતદાન થયું હતું. ત્યારે સરેરાશ કુલ 62.56% ટકા મતદાન નોંધાયું છે.
આપને જણાવી દઇએ કે, આજરોજ યોજાયેલ પાંચમાં તબક્કાના મતદાનમાં યૂપીથી રાજનાથસિંહ, સોનિયા ગાંધી, રાહુલ ગાંધી અને સ્મૃતિ ઇરાની જેવા કદાવર નેતાઓનું ભાવી ઇવીએમમાં કેદ થયું છે. 51 બેઠકો પર 674 ઉમેદવારોના ભવિષ્યનો નિર્ણય નવ કરોડ મતદારો કર્યો હતો.
આગામી 23 મેના રોજ જાહેર થવા જઇ રહ્યું છે તે પહેલા દેશના ચૂંટણીપંચ દ્વારા ગત ચૂંટણીની સરખામણીએ ચાલુ વર્ષે મતદાનની ટકાવારી કેવી રહી તે અંગેની માહિતી જાહેર કરી હતી. જે ખુબ જ રસપ્રદ છે.