આમ આદમી પાર્ટીના સંગઠનના માળખામાં નવા 62 પદાધિકારીઓની નિમણૂક કરાઇ છે.
યુવા નેતા પ્રવીણ રામનું કદ વધ્યુ
પ્રવીણ રામને પ્રદેશ ઉપપ્રમુખ બનાવાયા
બ્રિજ સોલંકીને પ્રદેશ યુવા પ્રમુખ તરીકે નિયુક્ત કરાય
આમ આદમી પાર્ટીના સંગઠન માળખામાંઆ વધુ 62 આગેવાનોને સ્થાન અપવામાં આવ્યું છે. જેમાં નવા 62 પદાધિકારીઓની નિમણૂક કરવામાં આવી છે. જેમા આમ આદમી પાર્ટી દ્વારા સત્તાવાર રીતે જાહેર કરવામાં આવેલ યાદીમાં યુવા નેતા પ્રવીણ રામનું કદ વધ્યુ છે.
રેશમા પટેલને પ્રદેશ પ્રવક્તા બનાવાયા
યુવા આગેવાન પ્રવીણ રામને આમ આદમી પાર્ટીના પ્રદેશ ઉપપ્રમુખ બનાવવામાં આવ્યા છે. જ્યાંરે બ્રિજ સોલંકીને પ્રદેશ યુવા પ્રમુખ તરીકેની જવાબદારી આપવામાં આવી છે. જ્યાંરે જાવેદ આઝાદ કાદરીની પ્રદેશ માઈનોરીટી વિંગના ઉપપ્રમુખ તરીકે નિયુક્તિ કરાઇ છે. તો તાજેતરમાં જ NCP છોડી આમ આદમી પાર્ટીમાં જોડાનાર રેશમા પટેલને પ્રદેશ પ્રવક્તા બનાવાયા છે. આમ જિલ્લા અને વિધાનસભા સ્તર સહિત કુલ 62 પદાધિકારીઓની નિયુક્તિ કરાઇ છે. આ તમામ નવનિયુક્ત હોદેદારોને સંગઠનના આગેવાનોએ શુભેચ્છા પાઠવી હતી.
આ અગાઉ જૂન માસમાં આમ આદમી પાર્ટી ગુજરાતના સંગઠનનું નવું માળખું જાહેર કરી દેવાયું હતું. જેમાં ઈસુદાન ગઢવીને આમ આદમી પાર્ટીના રાષ્ટ્રીય સંયુક્ત મહાસચિવ તથા કૈલાશ ગઢવીને આપ ગુજરાતના ખજાનચી તથા સાગર રબારીને પ્રદેશ ઉપાધ્યક્ષ તરીકેની જવાબદારી સોંપવામાં આવી હતી.