બસ્તર: છત્તીસગઢમાં આગામી સમયમાં વિધાનસભાની પેટાચૂંટણી યોજાવા જઈ રહી છે. ત્યારે પોલીસ દ્વારા એક મોટી કાર્યવાહી હાથ ધરવામાં આવી.
આજે છત્તીસગઢના બસ્તરમાં 62 નક્સલીઓએ બસ્તરના આઈ.જી. વિવેકાનંદ સિન્હા અને નારાયણપુરના એસ.પી. જીતેન્દ્ર શુક્લા સામે સમર્પણ કર્યું છે. એટલું જ નહીં 62 નક્સલીઓએ 51 દેશી બનાવટના હથિયારો સાથે આત્મસમર્પણ કર્યું છે.
ઉલ્લેખનીય છે કે થોડા જ દિવસ અગાઉ નક્સલીઓ અને પોલીસ તથા જવાનો વચ્ચે અથડામણ થયું હતું. તો આ અથડામણ બાદ પોલીસની મોટી કાર્યવાહીને સફળતા મળી છે.
મહત્વનું છે કે નક્સલીઓ દ્વારા અવારનવાર હુમલાઓ કરવામાં આવે છે અને વિવિધ વાહનોને પણ ટાર્ગેટ કરવામાં આવી રહ્યા છે. ત્યારે છત્તીસગઢ ચૂંટણી પહેલા બસ્તર પોલીસને મોટી સફળતા મળી છે.