BIG BREAKING / હિન્દ મહાસાગરમાં સુનામીનું ઍલર્ટ: તિમોરમાં 6.1ની તીવ્રતાના ભૂકંપથી ધણધણી ઉઠી હતી ધરા

• દક્ષિણ-પૂર્વ એશિયાઈ દેશ પૂર્વ તિમોરમાં  ભૂકંપના આંચકા અનુભવાયા 
• તિમોર ટાપુની પૂર્વ બાજુથી 51.4 કિમીની ઊંડાઈએ ભૂકંપ આવ્યો
• ભૂંકપના પગલે હિંદ મહાસાગરમાં સુનામી આવી શકે છે તેવી એડવાઈઝરી જાહેર કરાઈ 

દક્ષિણ-પૂર્વ એશિયાઈ દેશ પૂર્વ તિમોરમાં શુક્રવારે સવારે ભૂકંપના આંચકા અનુભવાયા 

દક્ષિણ-પૂર્વ એશિયાઈ દેશ પૂર્વ તિમોરમાં શુક્રવારે સવારે ભૂકંપના આંચકા અનુભવાયા હતા. અહીં 6.1ની તીવ્રતાનો ભૂકંપ આવ્યો હતો. આ પછી હવામાનશાસ્ત્રીઓએ હિંદ મહાસાગરમાં સુનામીની ચેતવણી જાહેર કરી છે. યુએસ જિયોલોજિકલ સર્વેના રિપોર્ટ અનુસાર શુક્રવારે સવારે આવેલા ભૂકંપના કારણે હિંદ મહાસાગરમાં સુનામી આવી શકે છે. વૈજ્ઞાનિકોનું કહેવું છે કે આ ભૂકંપ હિંદ મહાસાગરમાં સુનામી સર્જવા સક્ષમ હોઈ શકે છે.

#BREAKING 6.1-magnitude earthquake strikes off East Timor: USGS pic.twitter.com/JoVUrkzfmN

— AFP News Agency (@AFP) May 27, 2022

તિમોર ટાપુની પૂર્વ બાજુથી 51.4 કિમીની ઊંડાઈએ ભૂકંપ આવ્યો

યુએસ જિયોલોજિકલ સર્વે અનુસાર, તિમોર ટાપુની પૂર્વ બાજુથી 51.4 કિમીની ઊંડાઈએ ભૂકંપ આવ્યો હતો. ગયા મહિને ઇન્ડોનેશિયામાં પણ આવો જ ભૂકંપ આવ્યો હતો. તીવ્રતા 6.0 માપવામાં આવી હતી. ઉલ્લેખનીય છે કે,  પૂર્વ તિમોર પ્રશાંત મહાસાગરના અત્યંત સંવેદનશીલ વિસ્તારમાં સ્થિત છે. અહીં વારંવાર ભૂકંપ આવે છે. ફેબ્રુઆરીમાં ઉત્તર સુમાત્રામાં આવેલા ભૂકંપમાં અનેક લોકો માર્યા ગયા હતા. રિંગ ઓફ ફાયર એ સ્થાન છે જ્યાં ભૂકંપ સંબંધિત વિશેષ પ્રવૃત્તિઓ થતી રહે છે.

સુનામીને લઈને ચેતવણી 

સુનામી એડવાઇઝરી ગ્રૂપે કહ્યું છે કે ભૂકંપ હિંદ મહાસાગર ક્ષેત્રને અસર કરતી સુનામીનું કારણ બની શકે છે. યુએસ જીઓલોજિકલ સર્વેએ જણાવ્યું હતું કે પૂર્વ તિમોર અને ઇન્ડોનેશિયા વચ્ચે વિભાજિત તિમોર ટાપુના પૂર્વીય છેડાથી 51.4 કિમી (32 માઇલ) ની ઊંડાઇએ ભૂકંપ આવ્યો હતો. હિંદ મહાસાગર સુનામી વોર્નિંગ એન્ડ મિટિગેશન સિસ્ટમ (IOTWMS) એ પ્રદેશ માટે સુનામી ચેતવણી જારી કરી છે.