હરિયાણા / 5 દિવસથી ચાલતા સર્ચ ઓપરેશનમાં ગુરુગ્રામમાંથી ઝડપાયું 600 કરોડનું કાળું નાણું

• 600 કરોડના કાળા ધનનો થયો પર્દાફાશ 
• સીબીડીટડી દ્વારા કરવામાં આવી હતી રેડ 
• 5 દિવસથી ચાલી રહ્યું હતું સર્ચ ઓપરેશન 

હરિયાણાના ગુરુ ગ્રામમાં બે જગ્યાએ આજે સેન્ટ્રલ બોર્ડ ઓફ ડાયરેક્ટ ટેક્સ દ્વારા રેડ કરવામાં આવી હતી. જે રેડમાં કરુલ 600 કરોડનું બ્લેક મની મળી આવ્યું છે. આ મામલે ખુલ સીબીડીટી દ્વારા જાણકારી આપવામાં આવી છે. જેમા તેમણે 10 નવેમ્બરથી આ સર્ચ અભિયાન ચલાવ્યું હતું.

સમગ્ર મુદ્દો બન્યો ચર્ચાનું કેન્દ્ર 

જે બે ગ્રુપમાં રેડ કરવામાં આવી છે તેમાથી એક ગ્રુપ હોસ્પિટાલિટી કારોબારમાં શામેલ છે. સાથેજ બીજું ગ્રુપ ઈક્વિપમેંટ મેન્યુંફેક્ચરિંગમાં શામેલ છે. સીબીડીટીના કહેવા પ્રમાણે આ બંને જગ્યાએથી તેમને 600 કરોડનું કાળું નાણું મળી આવ્યું છે. જેને લઈને આ મુદ્દો હવે ઘણો ચર્ચાનું કેન્દ્ર બની ગયો છે. 

3.54 કરોડની મળી રોકડ રકમ 

સમગ્ર મામલે સીબીડીટી દ્વારા કહેવામાં આવ્યું છે કે બંને સમૂહો પર જ્યારે રેડ કરવામાં આવી હતી ત્યારે 600 કરોડની બેનામી સંપત્તિ તેમને મળી આવી છે. ટેક્સ ડિપાર્ટમેન્ટ દ્વારા ત્યાથી 3,54 કરોડની રોકડ રકમ અને 5,15 કરોડ રૂપિયાના આભૂષણ જપ્ત કરવામાં આવ્યા છે. સાથેજ 18 બેંકોના લોકર પર રોક લગાવામાં આવી છે. 

આપત્તિજનક દસ્તાવેજો કરાયા જપ્ત 

ઉલ્લેખનીય છે સમગ્ર મામલે સીબીડીની તપાસમાં સામે આવ્યું કે બંને જૂથે પુષ્કણ પ્રમાણમાં ખરીદ વેચાણ કર્યું , સાથેજ તેમણે પુષ્કળ પ્રમાણમાં રોકાણ પણ કર્યું છે. સાથેજ જુદી જુદી રીતે ટેક્સ ચોરી કરી છે. જેમાં કુલ 600 કરોડનું બ્લેકમની હોવાનું સામે આવ્યું છે. જેથી આ સમગ્ર મામલે સીબીડીટી દ્વારા આપત્તિજનક દસ્તાવેજ તેમજ ઈલેક્ટ્રોનિક ડેટા જપ્ત કરવામાં આવ્યો છે.