જમ્મુ કાશ્મીર / અફઘાનિસ્તાનમાં તાલિબાન આવતા જ કાશ્મીરમાં બની ચોંકાવનારી ઘટના, સેના અને પોલીસ થઈ દોડતી

• કાશ્મીરમાં 60 યુવકો અચાનક ગાયબ 
• પોલીસે યુવકોને આંતક છોડી પરત આવવા કરી અપીલ 
• 6 સંગઠનના આંતકીઓ કાશ્મીરમાં ઘુસ્યા હોવાની આશંકા 

અફઘાનિસ્તાનમાં તાલિબાને કબ્જો મેળવી લીધા બાદ હવે તેની અસર કાશ્મીરમાં જોવા મળી રહી છે. કાશ્મીરમા હવે દિવસેને દિવસે ચિંતાનો માહોલ ફેલાઈ રહ્યો છે. અહીયા અચાનકથી 60 જેટલા યુવકો ગાયબ થઈ ગયા છે. જેના કારણે એજન્સીઓ દોડતી થઈ ગઈ છે. સુરક્ષા એજન્સીઓનું કહેવું છે કે 6 આતંકી સંગઠનોના 25 થી 30 આતંકીઓ કાશ્મીરમાં ઘુસ્યા છે. જોકે 60 યુવકો અચાનકથી ગાયબ થતા એજન્સીઓમાં ચીંતાનો માહોલ જોવા મળી રહ્યો છે. 

એક મહિનાથી આતંકીઓના હુમલા યથાવત 

મીડિયા સાથે વાતચીત કરતા એક સીનિયર અધિકારીએ કહ્યું કે છેલ્લા એક મહિનાથી સુરક્ષાબળો પર તેમજ નેતાઓ પર હુમલા થઈ રહ્યો છે. સાથેજ તેમણે એવું પણ કીધું કે સીમા પારથી ફરી આતંકી લોન્ચ પેડની ગતિવિધિઓ વધતી જોવા મળી રહી છે. 

60 યુવકો અચાનક ગાયબ થતા ચિંતાનો માહોલ 

જમ્મુ કાશ્મીર પોલીસનું કહેવું છે કે 60 જેટલા યુવાનો અચાનક ગાયબ થતા તેમની ચિંતા વધી ગઈ છે. છેલ્લા અમુક દિવસોથી 60 જેટલા યુવાનો તેમના ઘરેથી ગાયબ થઈ ગયા છે. જે યુવકો ગાયબ થયા છે તે ઘરેથી એવું કહીને નીકળ્યા હતા કે જરૂરી કામથી તેઓ બહાર જઈ રહ્યા છે. પોલીસે તે યુવકોને એવી અપીલ કરી છે કે તેઓ આંતક છોડીને પરત ઘરે આવી જાય.

300 આતંકીઓ લાઈન ઓફ કંટ્રોલ પર 

ઈન્ટેલિજેંસ એજન્સીઓનું કહેવું છે કે 300 આતંકીઓએ ફરી લાઈન ઓફ કંટ્રોલ પર કબ્જો જમાવી લીધો છે. જોકે આ મામલે સુરક્ષા અધિકારીઓનુ કહેવું છે કે તેઓ પુરી તૈયારી સાથે એલર્ટ મોડમાં છે અને આંતકીઓને તેમનીજ ભાષામાં જવાબ આપવામાં આવશે. 

સોશિયલ મીડિયા પર બાજ નજર 

ઉલ્લેખનીય છે કે હાલ સુરક્ષા એજન્સીઓની સોશિયલ મીડિયા પર બાજ નજર રાખી રહી છે. થોડાક સમય પહેલા જમ્મૂ કાશ્મીરમાં એક વીડિયો વાયરલ થયો હતો. જેમા તાલિબાનના અમુ લડાકુઓ POKમાં પરત આવ્યા તો તેમનું સ્વાગત કરવામાં આવ્યું હતું. આ મામલે એજન્સીઓનું કહેવું છે કે યુવાઓને આંતક તરફ પ્રેરીત કરવા તે વીડિયો વાયરલ કરવામાં આવ્યો હતો.