સતત 62 વર્ષથી તેઓ દિવસ રાત જાગે છે અને પોતાનું કામ જાતે જ કરે છે. 80 વર્ષની ઉંમરમાં પણ તેઓ ફિટ છે. સવાલ એ થાય છે કે તાવએ તેમની ઊંઘ છીનવીને શું તેમને વરદાન આપી દીધું છે ?
6 થી 8 કલાકની ઊંઘ શરીર માટે ખૂબ જ જરૂરી છે
માત્ર 1-2 કે 10-20 રાત જ નહીં પરંતુ 62 વર્ષથી સૂતા નથી
80 વર્ષની ઉંમરમાં પણ તેઓ ફિટ છે અને તમામ કામ જાતે કરે છે
એક દિવસ ઊંઘ ન આવે તો લોકો બેચેન થઈ જાય છે. બે રાત જાગવુ પડે તો ત્રીજા દિવસે લોકો બીમાર થવા લાગે છે. શરીર કામ કરવાનું બંધ કરી દે છે અને કોઈ કામમાં મન નથી લાગતું. મેડિકલ સાયન્સ હોય કે આયુર્વેદ દરેકનું માનવું છે કે 6 થી 8 કલાકની ઊંઘ શરીર માટે ખૂબ જ જરૂરી છે. જેથી આરામ કરવાથી દિવસભર શરીર અને મનને એનર્જી મળી શકે છે. પરંતુ આજે અમે તમને એક એવા વ્યક્તિ વિશે જણાવવા જઈ રહ્યા છીએ જે માત્ર 1-2 કે 10-20 રાત જ નહીં પરંતુ પૂરા 62 વર્ષથી સૂતા નથી. તેમ છતાં તેઓ એટલા ફિટ અને સક્રિય છે કે તે તેના દરેક કામ જાતે કરવાનું પસંદ કરે છે.
વિયેતનામના આ વ્યક્તિને આશરે 60 વર્ષ પહેલા તાવ આવ્યો હતો ત્યાર પછી તેઓ અત્યાર સુધી સૂતા નથી. સતત 62 વર્ષથી તેઓ દિવસ રાત જાગે છે અને પોતાનું કામ જાતે જ કરે છે. 80 વર્ષની ઉંમરમાં પણ તેઓ ફિટ છે. સવાલ એ થાય છે કે તાવએ તેમની ઊંઘ છીનવીને શું તેમને વરદાન આપી દિધુ છે ?
વિયેતનામના રહેનારા 80 વર્ષના થાઈ એનજોક દાવો છે કે તેઓ 1962 પછી સૂતા નથી. 61 વર્ષ પહેલા તેમની ઊંઘ એવી રીતે ગાયબ થઈ ગઈ હતી કે આજ સુધી તેમને ઊંઘ નથી આવી. તેમના પત્ની અને બાળકોએ પણ તેમને 6 દાયકાથી ક્યાયેર સૂતા નથી જોયા. આ પાછળ થાઈ એનજોક જે કારણ બતાવે છે તે પણ ખૂબ જ આશ્ચર્યજનક છે. એનજોકના જણાવ્યા અનુસાર તેઓ માત્ર 18 વર્ષના હતા ત્યારે તેમની તબિયત ખરાબ થઈ ગઈ હતી. તેમને ખૂબ જ તાવ આવ્યો હતો. ત્યાર પછી તેમની ઊંઘ ઊડી ગઈ હતી. થોડા સમય માટે લાગ્યું કે તબિયત નાદુરસ્ત હોવાને કારણે તેઓ ઊંઘી શકતા નથી. પરંતુ સમય પસાર થતો ગયો અને જાણવા મળ્યું કે હવે તે બિલકુલ ઊંઘી શકતા નથી. ફેમસ યુટ્યૂબર ડ્રયુ બિન્સકી (Drew Binsky)એ લાંબી મુસાફરી કરી થાઈ એન્જોકનો ઈન્ટરવ્યુ કર્યો. જેમાં તેમને ઊંઘ ન આવવાની પૂરી સ્ટોરી ખબર પડી હતી.
તેઓ ઈચ્છે તો પણ ઊંઘ આવતી નથી
જ્યારે દાયકાઓ સુધી ઊંઘ ન આવતા નિષ્ણાંતોની સલાહ લેવામાં આવી ત્યારે જાણવા મળ્યું કે તેને ઈન્સોમ્નિયા અથવા અનિદ્રાની બિમારી કહેવાય છે. જેના કારણે શારીરિક અને માનસિક સ્વાસ્થ્ય પર ખરાબ અસર પડે છે. પરંતુ થાઈ એન્જોકને જોઈને એવું લાગતું નથી. તે સાચું છે કે તેમને ઊંઘ નથી આવતી અને તેઓ ઊંઘતા પણ નથી. છતાં તેમના સ્વાસ્થ્ય પર તેની કોઈ અસર જોવા મળતી નથી. 80 વર્ષની ઉંમરે પણ તે પોતાનું તમામ કામ જાતે જ કરે છે. તેઓ કહે છે કે ઘણી વખત વધારે ડ્રિંક પીધા પછી થોડી સુસ્તી અનુભવે છે, તેથી તેઓ થોડીવાર આરામ કરે છે , પરંતુ ઊંઘ આવતી નથી. ઘણી વખત તેણે આખી રાત પથારી પર પડીને અને આંખો બંધ કરીને વિતાવી, છતાં તેમને ઊંઘ ન આવી. તેમની અનોખી બીમારી સાંભળીને દુનિયાના અનેક ખૂણેથી લોકો તેમની વાસ્તવિકતા ચેક કરવા આવે છે અને તેમની સાથે આખી રાત વિતાવીને સત્ય જાણવાનો પ્રયાસ કરે છે.