થોડા સમય પહેલા મેગીને લઇને વિવાદ આવ્યો હતો અને કહેવામાં આવ્યું હતુ કે તેમાં લેડનું પ્રમાણ વધારે હોવાથી મનુષ્યના શરીર માટે અનહેલ્ધી છે. લાંબા સમય સુધી તેને બૅન કરી દેવામાં આવી હતી. નાના બાળકોથી લઇને બોર્ડર પર જવાન સુધીના લોકો મેગી ખાઇને પોતાનું પેટ ભરી લેતા હતા. મેગી ખુબ ઝડપથી બની જાય તેવી અને ટેસ્ટી વસ્તુ હતુ પરંતુ જ્યારે આ વિવાદ સર્જાયો ત્યારે લોકો તેમના બાળકને મેગી ખવડાવતા પહેલા એકવાર વિચાર ચોક્કસ કરતા હતા.
થોડા સમય બાદ જ્યારે કંપનીએ કહ્યું કે હવે લેડ મેગીમાં નહી ઉમેરવામાં આવે ત્યારે મેગી ફરી વેચાણ માટે આવવા લાગી પરંતુ હવે ફરી એકવાર ચોંકાવનારી વાત સામે આવી છે.
જે નેસ્લે કંપનીની કોફી અને મેગી આપણે રોજના ડાયટમાં સામેલ કરીએ છીએ તેનું ફૂડ અનહેલ્ધી છે. તમે શું ખાઓ છો અને શું નહી તેને લઇને સજાગ રહેવું પણ ખુબ જરૂરી છે.
એક રિપોર્ટ અનુસાર નેસ્લેની 60% પ્રોડક્ટ્સ અનહેલ્ધી છે. જેને વધારે હેલ્ધી બનાવવા પર કામ ચાલી રહ્યું છે.
કેટલાક પ્રોડક્ટ્સ રહેશે હંમેશા અનહેલ્ધી
એસ્લે, મેગી નૂડલ્સ અને કિટકેટ તેમજ નેસ્કેફે બનાવનારી કંપની નેસ્લેએ એક ઇન્ટરનેશનલ ડૉક્યુમેન્ટમાં આ વાતનો સ્વીકાર કર્યો છે કે તેની 60% પ્રોડક્ટ્સ અનહેલ્ધી છે.
37% ફૂડને અપાઇ 3.5 રૅટિંગ
યુકેની એક રિપોર્ટ અનુસાર નેસ્લેને પહેલા 5 સ્ટાર આપવામાં આવતા હતા પરંતુ તેના 37% ફૂડને હવે 3.5 રેટિંગ આપવામાં આવે છે.
આઇસ્ક્રીમ અનહેલ્ધી
કંપનીએ જે નિવેદન આપ્યું તેમાં તે પણ બહાર આવ્યું કે, તેની પ્રોડક્સમાં આઇસ્ક્રીમ 99% અનહેલ્ધી છે. મેગીને લઇને આવેલા વિવાદ બાદ લોકો પણ વસ્તુઓ ખાતા પહેલા તે હેલ્ધી છે કે નહી તે ચકાસી લેતા હતા પરંતુ જો તમે હવે નેસ્લેની પ્રોડક્ટનો ઉપયોગ કરો તો ધ્યાન જરૂર રાખજો.
કંપની પોતાની ભૂલ સુધારશે
કંપનીનું ઇન્ટર્નલ પ્રેઝેન્ટેશન લીક થયા બાદ કંપની ડેમેજ કંટ્રોલ કરવા માટે મેદાને ઉતરી પડી છે. કંપનીએ જાહેરાત કરી છે કે, તે પોતાના પ્રોડક્ટની ગુણવત્તા સુધારવા માટે પગલા ભરશે. કંપની પોતાની ન્યૂટ્રિશન અને હેલ્થ પોલીસીમાં પણ ફેરફાર કરવા ઉપર કામ કરી રહી છે.