સાવધાન! / તમારું બાળક એનર્જી ડ્રિંક્સ પીતું હોય તો આ જરૂર વાંચજો! છ વર્ષના બાળકને આવ્યો હાર્ટ અટેક

• 

  ખોટી ફૂડ હેબિટ્સનાં કારણે સ્વાસ્થ્યને જોખમ
• યુવાનોમાં વધી રહ્યો છે હાર્ટ એટેકનો ખતરો
• 6 વર્ષના બાળકનું હાર્ટ એટેકના કારણે મોત

અનિયમિત જીવનશૈલી અને ખરાબ ફડ હેબિટ્સનાં કારણે લોકોનું શરીર અનેક રોગોનું કારણ બની રહ્યું છે અને યુવાનોમાં હાર્ટ એટેકનો ખતરો વધી રહ્યો છે, પરંતુ તમને જાણીને નવાઈ લાગશે કે 6 વર્ષના બાળકનું હાર્ટ એટેકના કારણે મોત થયું છે. તમને કદાચ આંચકો લાગશે, પરંતુ ઉત્તર-પૂર્વ મેક્સિકોમાં આવી ઘટના બની છે જેણે ઘણા લોકોને ચોંકાવી દીધા છે. 

એનર્જી ડ્રિંક પીવાથી મોત
એક અહેવાલ મુજબ, ઉત્તર-પૂર્વ મેક્સિકોના માટામોરોસમાં મોન્સ્ટર એનર્જી ડ્રિંકનો ગ્લાસ પીધા બાદ 6 વર્ષનો છોકરો કથિત રીતે મૃત્યુ પામ્યો હતો. આ બાળકનું નામ ફ્રાન્સિસ્કો સર્વાંટેસ હોવાનું માલૂમ પડ્યું છે. આ દુ:ખદ ઘટના ત્યારે બની જ્યારે ફ્રાન્સિસ્કો સર્વાંટેસ 16 એપ્રિલે તેની દાદીના ઘરે જઈ રહ્યો હતો.

એનર્જી ડ્રિંક્સ પીવાથી થતી સ્વાસ્થ્ય સમસ્યા
રિપોર્ટ અનુસાર, ફ્રાન્સિસ્કો સર્વાંટેસે પોતાની તરસ છીપાવવા માટે મોન્સ્ટર એનર્જી ડ્રિંક (એક પ્રકારનું એનર્જી ડ્રિંક) ગટગટાવી ગયો હતો.  એનર્જી ડ્રિંક પીધા બાદ બાળક બેચેની અનુભવવા લાગ્યો અને તેના સંબંધીઓ તેને સ્થાનિક આલ્ફ્રેડો પુમારેજો હોસ્પિટલમાં લઈ ગયા.

કોમામાં 6 દિવસ વિતાવ્યા
હોસ્પિટલમાં દાખલ કર્યા બાદ ડોક્ટરોએ જણાવ્યું કે તેમને હાર્ટ એટેક આવ્યો હતો અને તેમનું બેઇન ડેડ થઈ ગયું હતું. ફ્રાન્સિસ્કોએ પછી કોમામાં છ દિવસ પસાર કર્યા, કારણ કે તેની માતા જેસિકાએ શરૂઆતમાં તેને આર્ટિફિશિયલ લાઈફ સ્પોર્ટ મશીનમાંથી દૂર કરવાની મંજૂરી આપી ન હતી.

કોઈપણ ગંભીર બીમારી વિશે અગાઉથી જાણકારી નથી
રિપોર્ટ અનુસાર, એ જાણી શકાયું નથી કે 6 વર્ષીય ફ્રાન્સિસ્કો સર્વાંટેસ પહેલેથી જ કોઈ ગંભીર બીમારીથી પીડિત હતા કે નહીં. જોકે, NHS સહિત વિવિધ આરોગ્ય નિષ્ણાતોએ નાના બાળકોને એનર્જી ડ્રિંક ન લેવાની સલાહ આપી છે, જેમાં કેફીન અને ખાંડનું પ્રમાણ વધુ હોય છે.

મોન્સ્ટર એનર્જી ડ્રિંકનું નિવેદન આવ્યું નથી
બાળકના મૃત્યુ બાદ મોન્સ્ટર એનર્જી ડ્રિંક તરફથી અત્યાર સુધી કોઈ નિવેદન આવ્યું નથી. ફ્રાન્સિસ્કોની માતાએ કહ્યું હતું કે દુર્ભાગ્યવશ મારો પુત્ર હવે આ દુનિયામાં નથી અને હવે તેને કોઈ લાવી પણ શકશે નહીં.