કર્ણાટકના 66 વર્ષના વૃદ્ધ ગંગાધરે ગજબનું સાહસ કરીને બતાવ્યું છે. હાથ પગ બાંધીને દરિયામાં તેમણે 5 કલાક સુધી સ્વીમિંગ કરી જેથી ગોલ્ડન બુક ઓફ રેકોર્ડમાં તેમનું નામ નોંધાયું છે.
કર્ણાટકના વૃદ્ધે બનાવ્યો ગજબનો રેકોર્ડ
હાથ પગ બાંધીને 5 કલાક સુધી વૃદ્ધ તરતા રહ્યા
ગોલ્ડન બુક ઓફ રેકોર્ડમાં વૃદ્ધનું નામ નોંધાયું
કર્ણાટકના ઉડ્ડપીમાં 66 વર્ષના વૃદ્ધે એવું કામ કરીને બતાવ્યું છે કે સામાન્ય યુવક વિચારી પણ ન શકે. વૃદ્ધનું નામ ગંગાધર છે અને તેમણે પોતાના હાથ પગ બાંધી દીધા અને બાદમાં તેણે અરબ સાગરમાં છલાંગ લગાવી દીધી. આપને જાણીને નવાઈ લાગશે કે વૃદ્ધ હાથ પગ બાંધેલા હોવા છતા 5 કલાક સુધી પાણીમાં તરતો રહ્યો હતો.
This is Unbelievable
Gangadhar G. Kadekar of #Udupi in #Karnataka entered the Golden Book of World Records by swimming 3.5 km with his LEGS and HANDS tied. pic.twitter.com/v5y0E0gE35
વૃદ્ધે જ્યારે દરિયામાં ડૂબકી લગાવી તે પહેલા તેણે તેના હાથ પગ સાંકળથી બાંધી દીધા હતા. તેમ છતા પણ તેણે સળંગ પાંચ કલાક સુધી પાણીમાં સ્વિમીંગ કર્યુ. સાથેજ તેણે અંદાજે અઢી કિલોમીટરનું અંતર પણ કાપ્યું હતું.
ગોલ્ડન બુક ઓફ રેકોર્ડમાં નોંધાયું નામ
વૃદ્ધનું આ સાહસિક કામ ગોલ્ડન બુક ઓફ રેકોર્ડમાં પણ દાખલ કરવામાં આવ્યું છે. જે સમયે વૃદ્ધે આ સાહસ કર્યુ તે સમયે દરિયો પણ તોફાનો હતો જેના કારણે મોજા મોટા પ્રમાણમાં ઉછળી રહ્યા હતા. તેમ છતા પણ તેમની હિંમત ન તૂટી અને તેના સાહસને કારણે આજે તેનું નામ ગોલ્ડન બુક ઓફ રેકોર્ડમાં નોંધાયું છે.
હાથે અને પગે સાંકળ બાંધી દીધી હતી.
વૃદ્ધ ગોલ્ડન બુક ઓફ રેકોર્ડની ટીમ સાથેજ નીકલ્યા હતા જેમા તેમણે હાથના પાછળના ભાગે હથકડી બાંધી અને પગમાં પણ સાંકળ બાંધી દીધી હતી. તેઓ જેવા દરિયામાંઅદરની તરફ જતા કે ત્યા હાજર લોકો ટેન્શનમાં આવી જતા હતા. પરંતું તે રોકાયા નહી અને તરતા રહ્યા 5 કલાક સુધી તેઓ સતત દરિયામાં તરતા રહ્યા અને બાદમાં તેઓ બહાર નિકળ્યા હતા.
બહાર નિકળીને વૃદ્ધ તિરંગા સાથે ઝૂમ્યા
ઉલ્લેખનીય છે કે જ્યારે તેઓ બહાર આવ્યા ત્યારે તેમની ખુશીનો પાર ન રહ્યો. તેઓ તિરંગાને ખભા પર રાખીને ઝૂમવા લાગ્યા હતા. જોકે તેમણે જે કામ કરીને બતાવ્યું છે તેની ચર્ચા હાલ પૂરા કર્ણાટકમાં થઈ રહી છે.