મધ્યપ્રદેશ / કોરોનાના કહેર વચ્ચે હ્રદયનો ધબકાર ચૂકાવતી ઘટના, 6 વર્ષની બાળકી પર દુષ્કર્મ આચરી ફોડી નખાઇ આંખો

• કોરોના વાયરસના કહેર વચ્ચે ધબકાર ચૂકાવતી ઘટના
• મધ્યપ્રદેશમાં 6 વર્ષની બાળકી પર દુષ્કર્મ બાદ આંખો ફોડી નાંખવામાં આવી

પોલીસ દ્વારા પ્રાપ્ત થતી માહિતી અનુસાર, 6 વર્ષની આ બાળકી પોતાના ઘર નજીક રહેતા મિત્રો સાથે રમી રહી હતી ત્યારે કેટલાક અજાણ્યા લોકો તેને ઉઠાવીને લઇ ગયા હતા અને ત્યારબાદ તે ગુમ થઇ હતી અને આજે તેની ખબર પડી હતી.

6 વર્ષની બાળકી પર બળાત્કારની ઘટના 

પોલીસ અધિકારી હેમંતસિંહ ચૌહાણે કહ્યું કે, 'બાળકી પર બળાત્કાર ગુજારવામાં આવ્યો હતો અને તેની આંખોમાં પણ ગંભીર ઈજાઓ પહોંચાડવામાં આવી છે.' તેમણે કહ્યું કે અમે આ કેસમાં અનેક શંકાસ્પદ લોકોની પૂછપરછ કરી છે અને મળી આવેલા કડીઓના આધારે તપાસ આગળ ધપાવી રહ્યા છીએ. પોલીસની ટીમ આ બાળક અને તેના પરિવારને લઇને જબલપુર ગઈ છે જ્યાં તેની સારવાર કરવામાં આવી રહી છે. 

સમગ્ર મધ્યપ્રદેશને હચમાવનારી ઘટના

એવા સમયે કે જ્યારે કોરોના વાયરસ રોગચાળાને કારણે દેશભરમાં લોકડાઉન ચાલુ છે, ત્યારે આ બર્બર ઘટનાએ મધ્યપ્રદેશને હચમચાવી નાખ્યો હતો. પોલીસે આ લોકો માટે 10,000 રૂપિયાનું ઇનામ જાહેર કરાયું છે.