SHORT & SIMPLE / યુવતી પ્રેમી સાથે ફરાર, પરિવારે પ્રેમીના પરિવારની 6 મહિલાઓને કરી લીધી કિડનેપ: મહેસાણાનો ચોંકાવનારો કેસ

• સુલીપુરમાં પ્રેમ પ્રકરણને લઈ બબાલ
• પ્રેમ પ્રકરણને લઈ યુવકના પરિવારનું અપહરણ
• વડનગર પોલીસે તપાસ શરૂ કરી

મહેસાણા જિલ્લામાં ચોંકાવનારો બનાવ બન્યો છે. યુવતી પ્રેમી સાથે ભાગી જતાં યુવતીના પરિવારે યુવકના પરિવારની 6 મહિલાનું અપહરણ કર્યાનો આક્ષેપ કરવામાં આવ્યો છે. હાલ વડનગર પોલીસે આ મામલે તપાસ શરૂ કરી છે. 

યુવતી પ્રેમી સાથે ભાગી જતાં મામલો બીચકાયો
પ્રાપ્ત વિગતો અનુસાર, મહેસાણા જિલ્લા વડનગર તાલુકાના સુલીપુર ગામના યુવક અને ખાભોગ ગામની યુવતી વચ્ચે પ્રેમ સંબંધ હતો. યુવતીના પરિવારે તેના લગ્ન અન્ય યુવક સાથે કરવાનું વિચાર્યું હતું. જોકે, લગ્ન થાય તે પહેલાં જ યુવતી પોતાના પ્રેમી સાથે ભાગી ગઈ હતી. યુવતી પ્રેમ સંબંધમાં યુવક સાથે ભાગી જતા મામલો બીચકાયો હતો. 

યુવકના પરિવારની 6 મહિલાના અપહરણનો આક્ષેપ
યુવતીના ફરાર થયા બાદ યુવતીનો પરિવાર પ્રેમીના ઘરે પહોંચ્યો હતો. એવો આક્ષેપ કરવામાં આવી રહ્યો છે યુવતી ન મળતાં યુવતીના પરિવારે યુવકના પરિવારની 6 મહિલાનું અપહરણ કર્યું છે. આ સમગ્ર મામલો વડનગર પોલીસ સ્ટેશન ખાતે પહોંચ્યો છે. યુવકના પરિવારે પોલીસ સ્ટેશનમાં ફરિયાદ નોંધાવતા પોલીસે તપાસ શરૂ કરી છે.