મહામારી / ભારતમાં કોરોનાની નવી ગાઈડલાઈન લાગુ પડ્યાના પહેલા દિવસે ચિંતાજનક સમાચાર, જુઓ શું થયું, મચ્યો ખળભળાટ

• ઓમિક્રોન વેરિયન્ટ દુનિયાના 23 દેશોમાં ફેલાયો
• દેશમાં કોરોનાની નવી ગાઈડલાઈન લાગુ પડી
• 'જોખમી' દેશોથી આવનાર 6 યાત્રી કોરોના પોઝિટીવ

ઓમિક્રોન વેરિયન્ટ દુનિયાના 23 દેશોમાં ફેલાયો છે. ભારતમાં આ વેરિયન્ટને જોતા સોમવારે નવી ગાઈડલાઈન જારી કરી છે. આજથી આ ગાઈડલાઈન લાગુ પડી છે. આ દરમિયાન જોખમી દેશોમાંથી આવનાર 6 પ્રવાસીઓ સંક્રમિત મળ્યાં છે. 

દેશના જુદાજુદા એરપોર્ટ પર અત્યાર સુધી 3476 લોકોનું સ્ક્રીનિંગ

દેશના જુદાજુદા એરપોર્ટ પર અત્યાર સુધી 3476 લોકોનું સ્ક્રીનિંગ કરવામાં આવ્યું છે. આ તમામ એટ રિસ્ક દેશોમાંથી આવનાર 11 ફ્લાઈટના હતા તેમાં દિલ્હી એરપોર્ટ પર 4 પ્રવાસીઓનો રિપોર્ટ પોઝિટીવ આવ્યો છે. આ બધાને LNJP હોસ્પિટલમાં ભરતી કરવામાં આવ્યાં છે. 

ઓમિક્રોનના જોખમ વચ્ચે આ યાત્રીઓ પોઝિટિવ આવ્યા બાદ ખળભળાટ મચ્યો 

ઓમિક્રોનના જોખમ વચ્ચે આ યાત્રીઓ પોઝિટિવ આવ્યા બાદ ખળભળાટ મચી ગયો હતો. ઓમિક્રોનની આશંકાને ધ્યાનમાં રાખીને તમામ યાત્રીઓના નમૂનાઓ જીનોમ સિક્વન્સિંગ માટે મોકલવામાં આવ્યા છે.

4 પ્રવાસીઓને  LNJP હોસ્પિટલમાં દાખલ કરાયા 
દિલ્હી એરપોર્ટ પર લંડન અને એમ્સ્ટરડેમના મુસાફરોમાં કોરોના પોઝિટિવ મળી આવ્યા હોવાના અહેવાલ છે. આરટીપીસીઆર ટેસ્ટમાં આ  યાત્રીઓના રિપોર્ટ પોઝિટીવ આવ્યા હતા. જીનોમ સિક્વન્સિંગ માટે નમૂના મોકલવામાં આવ્યા છે. આ રિપોર્ટ ત્રણ દિવસમાં આવશે. હાલમાં 4 પ્રવાસીઓને  LNJP હોસ્પિટલમાં સારવાર માટે દાખલ કરાયા છે. 

જેનિસ્ટ્રિંગ્સ ડાયગ્નોસ્ટિક્સના સ્થાપક ડો.ગૌરી અગ્રવાલે જણાવ્યું હતું કે, અમે લંડન અને એમ્સ્ટરડેમના પ્રવાસીઓના જીનોમ સિક્વન્સિંગ રિપોર્ટની રાહ જોઈ રહ્યા છીએ, જેમાં બે દિવસમાં 5 લોકો સંક્રમિત થયા હતા. બે દિવસમાં એરપોર્ટ પર ૫ સંક્રમિત મળી આવ્યા છે. દિલ્હી એરપોર્ટ પર દરરોજ લગભગ ૨૦૦૦ રિપોર્ટ કરવામાં આવી રહ્યા છે.

વિદેશથી આવનાર યાત્રીઓ અંગે સરકાર સતર્ક 
સરકારે જોખમી દેશોની યાદી જાહેર કરી છે. આ યાદીમાં યુરોપિયન દેશો, યુકે, આફ્રિકા, બ્રાઝિલ, બોત્સ્વાના, ચીન, મોરેશિયસ, ન્યૂઝીલેન્ડ, ઝિમ્બાબ્વે, સિંગાપોર, હોંગકોંગ અને ઇઝરાયલનો સમાવેશ થાય છે. આ દેશોમાંથી આવતા નાગરિકોનો દર સેકન્ડ, ચોથા અને 7માં દિવસે આરટી-પીસીઆર રિપોર્ટ કરાવવામાં આવશે. જો કોઈ નાગરિક પોઝિટિવ આવશે તો તેને હોસ્પિટલમાં મોકલવામાં આવશે. નેગેટિવ મુસાફરોએ 7 દિવસ સુધી ઘરે જ રહેવું પડશે.