BIG NEWS / મોડાસામાં અકસ્માતમાં 6ના મોતની આશંકા: કેમિકલ ભરેલા ટેન્કરમાં ટક્કર બાદ ભભૂકી ઉઠી આગ

• મોડાસાના આલમપુર પાસે ભયાનક ત્રિપલ અકસ્માત 
• બે ટ્રક અને એક કાર વચ્ચે ટક્કર બાદ ભીષણ આગ 
• કેમિકલ ભરેલા ટેન્કર સાથે ટક્કર બાદ ભયંકર આગ 

રાજ્યમાં અકસ્માતના બનાવો વધી રહ્યા છે. તેમાં પણ ગરમીને કારણે આગ લાગવાની ઘટના પણ વધી રહી છે. ક્યારેક ઓવરસ્પીડ તો ક્યારેક  રોન્ગ સાઇડને કારણે અકસ્માતો વધારે બને છે. ત્યારે અરવલ્લી જિલ્લામાં ત્રિપલ અકસ્માતની ગમખ્વાર ઘટના બની. મોડાસાના આલમપુર પાસે ભયાનક ત્રિપલ અકસ્માત સર્જાયો.

બે ટ્રક- કાર વચ્ચે અકસ્માત

મોડાસાના આલમપુરમાં બે ટેન્કર અને એક કાર વચ્ચે ભયંકર અકસ્માત સર્જાયો. કેમિકલ ભરેલા ટેન્કર સાથે કાર અથડાતા આગની જ્વાળાઓ ફાટી નીકળી. દ્રશ્યોમાં જોઇ શકાય છે કે દૂર સુધી ધુમાડામના ગોટેગોટા ઉડતા જોવા મળી રહ્યા છે. કેમિકલ ભરેલુ ટેન્કર હોવાથી પળવારમાં જ ભીષણ આગ ભભૂકી ઉઠી. ઘટનાને લઇને ભારે અફરાતફરીનો માહોલ જોવા મળી રહ્યો છે. 

અકસ્માતમાં 6ના મોતની આશંકા 

 અકસ્માતમાં 6 થી વધુ લોકોના મોત થયા હોવાની આશંકા છે. જો કે એક મૃતદેહને બહાર કાઢવામાં આવ્યો છે. આગને કારણે મોડાસા - નડિયાદ હાઇવે બંધ કરવામાં આવ્યો. પરિણામે બંને તરફ 10 કિલોમીટર સુધી ટ્રાફિક જામના દ્રશ્યો સર્જાયા હતા. કલાકો સુધી ટ્રાફિકજામ રહે તેવી શક્યતા છે. કારણ કે અકસ્માત ઘણો ભયાનક છે. કેમિકલને કારણે ભયાનક આગ લાગી છે. હાલમાં તો આગને કાબૂમા ંલેવા પ્રયાસો શરુ કરવામાં આવ્યા છે. કદાય મોતનો આંકડો પણ વધી શકે છે.