રાજ્યના 6 શહેરોની સ્માર્ટ સિટી મિશન અંતર્ગત પસંદગી કરવામાં આવી છે, અમદાવાદ, ગાંધીનગર, સુરત, વડોદરા, દાહોદનો સમાવેશ કરાયો છે.
6 શહેરોની સ્માર્ટ સિટી મિશન અંતર્ગત પસંદગી
અમદાવાદ, ગાંધીનગર, સુરત, વડોદરાની પસંદગી
કેન્દ્ર સરકારે સ્માર્ટ સિટી અંતર્ગત શહેરોની કરી પસંદગી
રાજ્યના 6 શહેરોની સ્માર્ટ સિટી મિશન અંતર્ગત પસંદગી કરાઈ છે. જેમાં અમદાવાદ, ગાંધીનગર, સુરત, વડોદરાની પસંદગી થઈ છે. તેમજ રાજકોટ અને દાહોદ શહેરની પણ સ્માર્ટ સિટી મિશન અંતર્ગત પસંદગી થઈ છે. કેન્દ્ર સરકારે સ્માર્ટ સિટી અંતર્ગત શહેરોની પસંદગી કરી છે.
શહેરોને ફાળવવામાં આવી કરોડોની ગ્રાન્ટ
સ્માર્ટ સીટી પ્રોજેકટ માટે શહેરોને કરોડોની ગ્રાન્ટ ફાળવવામાં આવી છે. અમદાવાદને 459.34 કરોડની ગ્રાન્ટ ફાળવવામાં આવી છે તેમજ ગાંધીનગરને 315.305 કરોડની ગ્રાન્ટ ફાળવવાઈ અને રાજકોટને 386.76 કરોડની ગ્રાન્ટ ફાળવવામાં આવી છે. સુરતને 490 કરોડની ગ્રાન્ટ ફાળવવામાં આવી છે અને દાહોદને 293 કરોડની ગ્રાન્ટ ફાળવવામાં આવી છે. વડોદરા શહેરને 382 કરોડની ગ્રાન્ટ ફાળવવામાં આવી છે. કેન્દ્ર સરકાર દ્વારા 2 હજાર 326 કરોડની ગ્રાન્ટ ફાળવવામાં આવી છે.
સ્માર્ટ સિટીઝમાં મળનારી સુવિધાઓ
સ્માર્ટ સિટીઝમાં વધુ સારી હેલ્થકેર સિસ્ટમ, ગવર્નેન્સ, ટ્રાન્સપોર્ટેશન સિસ્ટમ, સિક્યોરિટી સર્વિલેન્સ, સ્માર્ટ ઈન્ફ્રાસ્ટ્રકર્ચર, રોજગારની તકો જેવી સુવિધાઓ શામેલ છે. સ્માર્ટ સિટીઝ મિશનનું લક્ષ્ય શહેરોમાં વધી રહેલી ભીડભાડ અને ટ્રાફિકને ઘટાડવાનું, નાગરિકોની સુરક્ષા સુનિશ્ચિત કરવાનું અને પ્રદૂષણ ઘટાડવાનું છે. એટલું જ નહીં રોડ એક્સિડેન્ટ્સને રોકવા તેમજ સાઈકલ ચાલકો માટે અલગ માર્ગ બનાવવા જેવી સુવિધાઓ આપવામાં આવશે.