દિલ્હી પોલીસે સીલમપુર હિંસા મામલે છ આરોપીઓની ધરપકડ કરી છે. આ સાથે પોલીસે કેટલીક જગ્યાઓ પર દરોડા પાડી એવા લોકોની શોધ કરી રહી છે જેની ઓળખ થઇ ગઇ છે. સીલમપુર વિસ્તારમાં આજે પોલીસે પેટ્રોલિંગ કરી નિરીક્ષણ કર્યું, જ્યાં બધું નિયંત્રણ હોવાનું સામે આવ્યું છે.
સીલમપુર હિંસા મામલે પોલીસે 6ની કરી ધરપકડ
પોલીસ દ્વારા હિંસક વિસ્તારમાં પેટ્રોલિંગ
ઉત્તર-પૂર્વી જિલ્લામાં સીઆરપીસીની ધારા-144 લાગુ કરી દેવામાં આવી
દિલ્હીના સંયુક્ત કમિશ્નરે જણાવ્યું છે કે ઉત્તર-પૂર્વી જિલ્લામાં સીઆરપીસીની ધારા-144 લાગુ કરી દેવામાં આવી છે. જેના હેઠળ સાર્વજનિક સ્થળ પર ચારથી વધારે લોકો ભેગા થઇ શકશે નહીં. જેને લઇને કોઇ વિરોધ પ્રદર્શન કરી શકશે નહીં.
Delhi: Police party carried out patrolling in Seelampur area of the city earlier this morning. A protest which was held in the area over #CitizenshipAmendmentAct yesterday, had turned violent. pic.twitter.com/ZBeuRlZuyZ
દિલ્હી પોલીસ દ્વારા જાફરાબાદમાં થયેલ હિંસાના સંબંધમાં આઇપીસીની ધારા હેઠળ હિંસા ભડકવા તેમજ પબ્લિક સંપત્તિને નુકસાન પહોંચાડવાના આરોપમાં બે એફઆઇઆર દાખલ કરી છે. જેને લઇને અત્યાર સુધીમાં પાંચ લોકોની ધરપકડ કરવામાં આવી છે.
નાગરિકતા કાયદાને લઇને મંગળવારના રોજ દિલ્હીના સીલમપુર વિસ્તારમાં લોકોએ વિરોધ પ્રદર્શન કર્યો હતો. આ દરમિયાન લોકોએ પોલીસકર્મીઓ પર પથ્થરમારા સાથેને બસમાં તોડફોડ કરી હતી.
પોલીસના જણાવ્યા અનુસાર સીલમુપર વિસ્તારમાં ગઇકાલે 2000થી વધારે પ્રદર્શનકારીઓ એકઠા થયા હતા. શરૂઆતમાં પ્રદર્શનકારીઓ શાંતિથી પ્રદર્શન કરી રહ્યાં હતા. જો કે થોડા સમય બાદ ભેગા થયેલા પ્રદર્શનકારીઓ અલગ-અલગ થઇ ગયા બાદ તેમાંથી કેટલાંક પ્રદર્શનકારીઓએ પોલીસ પર હુમલો કર્યો હતો.