નમસ્તે ટ્રમ્પ / ટ્રમ્પના સ્વાગત માટે આ સરકારી સ્કૂલના બાળકો પાસેથી સરકારે શીખવા જેવું હતું

• અમદાવાદની 6 જેટલી મ્યુનિસિપલ સ્કુલ કરી રહી છે મહેનત
• કરોડોનો ખર્ચ કરનાર સરકાર આમની પાસેથી કાંઈ શીખે?
• ટેલેન્ટ કોઈની મહોતાજ નથી

અમદાવાદની 6 જેટલી મ્યુનિસિપલ સંચાલિત શાળાઓન ડોનાલ્ડ ટ્રંપના સ્વાગત માટે  સાસ્કૃતિ કાર્યક્રમ રજૂ કરવાની જવાબદારી સોંપવામાં આવી છે. આ વિદ્યાર્થીઓ ડોનાલ્ડ ટ્રંપના રોડ શો પર બનાવેલા 28 જેટલા સ્ટેજ પર પરફોર્મન્સ કરશે

ગુજરાતની ઓળખ સમા ગરબાથી ડોનાલ્ડ ટ્રંપને સંસ્કૃતિની ઝાંખી કરાવશે

આ કવાયત  અમેરિકી રાષ્ટ્રપતિ ડોનાલ્ડ ટ્રંપના સ્વાગત માટે કરવામાં આવી રહી છે. અમદાવાદ પધારી રહેલા  રાષ્ટ્રપતિ  ડોનાલ્ડ ટ્રંપના સ્વાગત માટે જેટલી  તૈયારી ભાજપ પક્ષ અને વહીવીટી અધિકારીઓ કરી રહ્યા છે તેટલી જ તૈયારી અમદાવાદ મ્યુનિસિપલ શાળામાં ભણતા ગરીબ બાળકો કરી રહ્યા છે. આ બાળકો ગુજરાતની ઓળખ સમા ગરબાથી ડોનાલ્ડ ટ્રંપને ગુજરાતની સંસ્કૃતિ અને કલાનો પરિચય કરાવવાના છે. 

અમદાવાદની સરકારી શાળાઓ લાગી કામે 

આ  એક સ્કૂલ નથી કે જે ટ્રંપના સ્વાગતની તૈયારીમાં લાગી હોય હોય. અમદાવાદ મહાનગર પાલિકા સંચાલિત આવી 6 સ્કૂલોને સાંસ્કૃતિક કાર્યક્રમો દર્શાવાની જવાબદારી સોંપવામાં આવી છે. 

દેશની આનબાન અને શાન જેવા તિરંગા સાથે તાલમેલ અને  સંગઠન શિસ્તને દર્શાવશે

ટ્રંપના સ્વાગતની તૈયારી કરતાં બાળકો અમદાવાદની જુદી જુદી સરકારી શાળાના છે. બાળકો ગુજરાતની સાંસ્કૃતિદર્શન કરાવવાની તૈયારી કરી રહ્યા છે. કેટલાક બાળકો ભારતના શૌર્યની યશગાથાઓ દર્શાવીને ટ્રંપને મંત્રમુગ્ધ કરવા કમર કસી રહ્યા છે. તો વળી શાળાના બાળકો દેશની આનબાન અને શાન જેવા તિરંગા સાથે તાલમેલ અને  સંગઠન શિસ્તને દર્શાવવા કવાયત કરી રહ્યા છે.

વિદ્યાર્થીઓ માત્ર કોઈ સામે પ્રદર્શની વસ્તુ નથી

બાળકોને તક આપવામાં આવે તો પોતાની ક્ષમતાનું પ્રદર્શન કરી શકે છે. પરંતુ સરકારી શાળાઓમાં કેટલી અગવડોના કારણે પણ ગરીબ બાળકોનો વિકાસ રુંધાય છે. ટ્રંપના તામજામમાંથી સરકાર મુક્ત થાય પછી આ દિશામાં વિચારે તો સારું કેમકે વિદ્યાર્થીઓ માત્ર કોઈ સામે પ્રદર્શની વસ્તુ નથી

મન હોય તો માળવે જવાય

• શું સરકારી શાળાના બાળકોની ટેલેન્ટ ખાનગી શાળાને એક પ્રકાર નો જવાબ નથી? 
• ખાનગી શાળાઓમાં તો સ્પેશિયલ કોરિયોગ્રાફર દ્વારા સાંસ્કૃતિક તૈયારી કરાવાય છે 
• પરંતુ સરકારી શાળામાં બાળકો ટાંચા સાધનો વચ્ચે પણ પોતાનું બેસ્ટ આપે છે 
• સરકારી શાળાના બાળકોને સાંસ્કૃતિક કાર્યક્રમ માટે જ તૈયાર કરવામાં ઉત્સાહ દાખવાનો છે? 
• આટલો ઉત્સાહ સરકારી શાળાઓની ગુણવત્તા સુધારવા ક્યારે દાખવાશે?