પ્રધાનમંત્રી નરેન્દ્ર મોદીએ 13 ઑક્ટોબર,2022નાં રોજ દેશને ચોથી વંદે ભારત ટ્રેન ભેટ કરી છે અને પાંચમી વંદે ભારત એક્સપ્રેસ ટ્રેન પણ લોન્ચ થવાની છે. જીપીએસ આધારિત સૂચના સિસ્ટમ, cctv કેમેરાથી માંડીને વેક્યૂમ આધારિત બાયો ટોયલેટ અને ઓટોમેટિક સ્લાઇડિંગ ડોર સહિતની સુવિધાઓ આ ટ્રેનમાં ઉપલ્બ્ધ છે.
દેશને મળશે 5મી વંદે ભારત ટ્રેન
10 નવેમ્બરનાં પીએમ કરશે ઉદગાટન
ચેન્નઇ-બેંગલુરૂ- મૈસુરનાં રૂટ પર દોડશે એક્સપ્રેસ ટ્રેન
ભારત દેશ કોરોનાકાળ પછી ફરી એકવાર વિકાસની દિશામાં દોડી રહ્યું છે ત્યારે દેશ માટે વધુ એક ખુશ ખબર સામે આવી છે. 10 નવેમ્બર 2022નાં રોજ ભારતમાં પાંચમી વંદે ભારત એક્સપ્રેસ ટ્રેનનું લોન્ચીંગ થશે. આ ટ્રેન ચેન્નઇ-બેંગલુરૂ- મૈસુરનાં રૂટ પર દોડશે. છેલ્લે વડાપ્રધાનનાં હસ્તે 13 ઑક્ટોબરનાં રોજ દેશની ચોથી વંદે ભારત એક્સપ્રેસ ટ્રેન લોન્ચ કરવામાં આવી હતી.
હિમાચલ પ્રદેશમાં લોન્ચ થઇ ચોથી વંદે ભારત એક્સપ્રેસ
પ્રધાનમંત્રીએ હિમાચલ પ્રદેશના ઊના રેલ્વે સ્ટેશનથી દેશની ચોથી વંદે ભારત એક્સપ્રેસ ટ્રેનને લીલી ઝંડી દેખાડી છે. આ નવી વંદે ભારત એક્સપ્રેસ ટ્રેન હિમાચલ પ્રદેશનાં અંબ-અંદોરાથી નવી દિલ્લી સુધીનો સફર કરશે. જો કે સામાન્ય નાગરિકો માટે હાલ આ ટ્રેનની સુવિધા ખુલ્લી મુકવામાં આવેલ નથી. આ ચોથી વંદે ભારત એક્સપ્રેસને 19 ઑક્ટોબરથી સામાન્ય નાગરિકો માટે ખુલ્લી મૂકવામાં આવશે.
વંદે ભારત 2.0 હવા માફક દોડશે
આ ટ્રેન દિલ્લીથી હરિયાણાનો રસ્તો માત્ર 3 કલાકમાં કાપશે. ઊનાથી નવી દિલ્હીનો ટ્રાવેલીંગ સમય પણ 2 કલાક જેટલો ઘટી ગયો છે. એડવાન્સ યંત્રોનો ઉપયોગ થતો હોવાને લીધે આ ટ્રેનની ઝડપ 0થી 100 km પ્રતિ કલાક રહેશે જે માત્ર 52 સેકન્ડ્સમાં આટલું અંતર કાપી શકશે.
PMએ આ ટ્રેનનાં લક્ષણો જણાવ્યાં
નરેન્દ્ર મોદીએ અમદાવાદમાં આ એક્સપ્રેસ ટ્રેનને લીલી ઝંડી બતાવ્યાં બાદ લોકોને સંબોધિત કરતાં આ ટ્રેનનાં ખુબ વખાણ કર્યાં હતાં. તે દરમિયાન પીએમ મોદીએ કહ્યું કે વંદે ભારત ટ્રેનની અંદર પ્લેનની સરખામણીએ 100ગણો ઓછો અવાજ પેદા થાય છે. જે લોકો પ્લેનમાં મુસાફરી કરે છે તે એકવાર આ ટ્રેનમાં પણ યાત્રાનો અનુભવ લેવો જોઇએ . પીએમ એ કહ્યું કે મેં ગાંધીનગર-મુંબઇ વંદે ભારત એક્સપ્રેસની તેજ રફતારનો અનુભવ કરેલ છે. મેં આ સફરનો અનુભવ થોડી જ ક્ષણો માટે કર્યો હતો પણ તે ક્ષણો મારા માટે ખૂબ ગૌરવની હતી.
આ સુવિધાઓથી યુક્ત છે વંદે ભારત એક્સપ્રેસ
અત્યાધુનિક સુવિધાઓથી ભરપૂર એવી આ ટ્રેનમાં જીપીએસ આધારિત સૂચના સિસ્ટમ, cctv કેમેરાથી માંડીને વેક્યૂમ આધારિત બાયો ટોયલેટ અને ઓટોમેટિક સ્લાઇડિંગ ડોર સહિતની સુવિધાઓ ઉપલ્બ્ધ છે. નવા લક્ષણોથી સંપન્ન એવી નેક્સ્ટ જનરેશન વાળી વંદે ભારત 2.0 ટ્રેનમાં કવચ એટલે કે કોલિજન અવોઇડન્સ સિસ્ટમ ઉપલબ્ધ છે. આ સિવાય એક કોચમાં 4 ઇમેરજન્સી વિન્ડો પણ છે જેના લીધે ડબલ સુરક્ષા મળે છે.