ક્રાંતિ / ચિત્તાની ઝડપે દોડશે મોબાઈલ ઈન્ટરનેટ, PM મોદી 1 ઓક્ટોબરે દેશને આપશે 5G સેવાઓની ભેટ

• 1 ઓક્ટોબરે ભારતમાં લોન્ચ થશે 5G સેવા
• પ્રધાનમંત્રી મોદી કરાવશે શુભારંભ 
• ઈન્ડીયા મોબાઈલ કોંગ્રેસના મંચ પરથી દેશને આપશે ભેટ

દેશમાં હવે મોબાઈલ ઈન્ટરનેટમાં ક્રાંતિ સર્જાવા જઈ રહી છે. ભારતમાં 1 ઓક્ટોબરે 5જી સેવાો શરુ થવા જઈ રહી છે. પ્રધાનમંત્રી મોદી 1 ઓક્ટોબરે ઈન્ડીયા મોબાઈલ કોંગ્રેસના મંચ પરથી દેશને 5જી સેવાની ભેટ આપશે. 
સરકારના નેશનલ બ્રોડબેન્ડ મિશને આજે ટ્વિટ કરીને જણાવ્યું હતું કે, વડાપ્રધાન નરેન્દ્ર મોદી 1 ઓક્ટોબરના કાર્યક્રમમાં ભારતમાં 5જી સેવાઓ શરૂ કરશે. એશિયાના સૌથી મોટી ટેકનોલોજી મંચ ઈન્ડીયા મોબાઈલ કોંગ્રેસના કાર્યક્રમમાં પીએમ મોદી દેશને 5જી સેવાની ભેટ આપશે. જેમને પણ 5જી સેવાઓનું રજિસ્ટ્રેશન કરાવવું હોય તેઓ https://t.co/a092D9GPDR pic.twitter.com/VvT2SIQvwZની મુલાકાત લઈ શકે છે. 

ટૂંકા ગાળામાં 80 ટકા કવરેજનો લક્ષ્ય પાર પાડ્યો
કેન્દ્રીય સંચાર મંત્રી અશ્વિની વૈષ્ણવે ગયા અઠવાડિયે જણાવ્યું હતું કે સરકારે ટૂંકા ગાળામાં દેશમાં 5જી ટેલિકોમ સેવાઓના 80 ટકા કવરેજનો લક્ષ્યાંક આપ્યો છે. વૈષ્ણવે કહ્યું હતું, 5 જી ની યાત્રા ખૂબ જ રોમાંચક બનવાની છે. ઘણા દેશોને 40 ટકાથી 50 ટકા કવરેજ સુધી પહોંચવામાં વર્ષોનો સમય લાગ્યો હતો. પરંતુ અમે ખૂબ જ આક્રમક સમયરેખાને લક્ષ્યાંક બનાવી રહ્યા છીએ અને સરકારે ટૂંકા ગાળામાં 80 ટકા કવરેજનો લક્ષ્યાંક આપ્યો છે. 

5G ટેકનોલોજીથી ભારતને ₹36.4 ટ્રિલિયનનો લાભ થશે 
મોબાઇલ નેટવર્ક ઓપરેટર્સનું પ્રતિનિધિત્વ કરતી વૈશ્વિક ઉદ્યોગ સંસ્થાના તાજેતરના અહેવાલમાં અંદાજ લગાવવામાં આવ્યો છે કે 5જી ટેકનોલોજીથી ભારતને 2023 અને 2040ની વચ્ચે ₹36.4 ટ્રિલિયન ($ 455 અબજ) નો લાભ થવાની સંભાવના છે.

5Gનો હિસ્સો એક તૃતીયાંશથી વધુ
2030 સુધીમાં ભારતમાં કુલ જોડાણોમાં 5જીનો હિસ્સો એક તૃતીયાંશથી વધુ હશે, જેમાં 2જી અને 3જીનો હિસ્સો ઘટીને 10 ટકાથી ઓછો થઈ જશે, એમ જીએસએમએ (ગ્લોબલ સિસ્ટમ ફોર મોબાઇલ કમ્યુનિકેશન્સ)ના અહેવાલમાં જણાવાયું છે કે, ભારતનું ઉચ્ચ સ્તર 4જી એડોપ્શન (79 ટકા) 5જીમાં સંક્રમણ માટે તૈયાર ગ્રાહકોનો આધાર સૂચવે છે.