GOOD NEWS / ઓક્ટોબરમાં શરૂ થશે 5G સેવાઓ: 13 શહેરોને મળશે સૌથી પહેલા લાભ, ગુજરાતના આટલા શહેરોમાં થશે શરૂઆત

• દેશમાં ઓક્ટબરમાં 5જી સેવાઓ શરૂ થઈ જશે
• આ શહેરોમાં પ્રથમ તબક્કામાં સેવાઓ શરૂ થશે
• સ્પેક્ટ્રમની હરાજીમાં રિલાયંસ જિઓએ સૌથી વધારે બોલી લગાવી

5G એટલે કે ટેલીકૉમ સેવાઓની પાંચમી પેઢીનો ફાયદો દેશના નાગરિકોને આ વર્ષે ઓક્ટોબરમાંથી મળવાનો શરૂ થઈ જશે. સોમવારે જ સ્પેક્ટ્રમ હરાજી ખતમ થઈ છે. જે બાદ સરકારને આશા છે કે, આગળની પ્રક્રિયા ઝડપથી પુરી થવાની સાથે આ વર્ષે ઓક્ટોબરમાં સુપરફાસ્ટ 5જી સેવાઓ દેશના નાગરિકોને મળવા લાગશે. એક ઓગસ્ટના રોજ ખતમ થયેલી દૂરસંચાર સ્પેક્ટ્રમનની અત્યાર સુધીમાં સૌથી મોટી હરાજી રેકોર્ડ 1.5 લાખ કરોડ રૂપિયાની બોલી આવી છે. તેમાં રિલાયંસ જિયોએ સૌથી વધારે બિડ લગાવી છે. જિયોએ સ્પષ્ટ કહ્યું છે કે, તે જલ્દીમાં જલ્દી 5જી સેવઓ શરૂ કરવા માટે તૈયાર છે. 

ક્યારે શરૂ થશે 5જી સેવાઓ

બિડ પ્રક્રિયા ખતમ થયા બાદ મીડિયા સાથે વાત કરતા કેન્દ્રીય મંત્રી અશ્વિની વૈષ્ણવે કહ્યું કે, ઓક્શન પ્રક્રિયા આગામી થોડા દિવસમાં પુરી કરી લેવામાં આવશે. 10 ઓગસ્ટ સુધી મંજૂરી સાથે જોડાયેલ ઔપચારિકતા અને સ્પેક્ટ્રમની ફાળવણી પુરી કરી લેવામાં આવશે. ત્યારે આવા સમયે શક્ય છે કે, દેશમાં ઓક્ટબર સુધી 5જી સેવાઓ લોન્ચ થઈ જશે.તેની સાથે જ ભારતમાં સસ્તી સેવાઓના રુઝાન પણ આગળ ચાલુ રહેશે. કેન્દ્રીય મંત્રીએ સાથે કહ્યુ કે, દૂરસંચાર ઉદ્યોગમાં આગામી બે વર્ષમાં 2-3 લાખ કરોડ રૂપિયાના રોકાણની શક્યતા છે અને સરકાર તરફથી ઉઠાવવામા આવેલા પગલાથી સેક્ટરની અનિશ્ચિતતા અને જોખમ દૂર કર્યા છે. દેશમાં 5જી સેવાઓની શરૂઆત માટે 5 જી સ્પેક્ટ્રમ માટે લગાવામાં આવેલી રેકોર્ડ બોલીથી ઉત્સાહિત વૈષ્ણવે કહ્યું કે, તે સંભવિત રોકાણની ચોથી અને પાંચમી પેઢીની દૂરસંચાર સેવાઓમાં કરવામાં આવશે. તેમણે કહ્યું કે, તેનાથી અવાજની ગુણવત્તા ઉત્તમ થવાની સાથે હાઈસ્પિડવાળા ઈન્ટરનેટ પણ આપી શકાશે. 

આ શહેરોમાં મળશે પ્રથમ તબક્કામાં સેવાઓ

મીડિયા રિપોર્ટમાં જણાવ્યા અનુસાર પ્રથમ તબક્કામાં દેશમાં 13 શહેરોમાં 5જી સેવાઓ શરૂ થઈ શકે છે. તેમાં અમદાવાદ, બેંગ્લુરુ, ચંડીગઢ, ચેન્નઈ, દિલ્હી, ગાંધીનગર, ગુરૂગ્રામ, હૈદરાબાદ, જામનગર, કલકત્તા, લખનઉ, મુંબઈ, પુણે જેવા શહેરો સામેલ છે. તો વળી બિડ લગાવામાં સૌથી ટોપ પર રહેનારી રિલાયંસ જિયોએ કહ્યું કે, તેઓ બહુ જલ્દી આ સેવા શરૂ કરવા માટે તૈયાર છે. બિડ ખતમ થયા બાદ રિલાયંસ જિયો ઈન્ફોકોમના ચેરમેન આકાશ અંબાણીએ નિવેદનમાં કહ્યું કે, જિયો વિશ્વસ્તરિય અને વ્યાજબી 5જી સેવાઓ આપવા માટે કટિબદ્ધ છે. અમે આવી સેવાઓ, મંચ અને સમાધાન આપીશું જે ખાસ કરીને શિક્ષણ, સ્વાસ્થ્ય દેખરેખ, કૃષિ, ઉત્પાદન અને ઈ સંચાલન જેવા મહત્વના ક્ષેત્રમાં ભારતની ડિજિટલ ક્રાંતિને ગતિ આપશે.