કૌભાંડ / ડીસામાં GST અધિકારીઓનું 5.98 કરોડનું કૌભાંડ, ચાર કર્મચારી સહિત 35 લોકો સામે ફરિયાદ

• ડીસામાં GST અધિકારીઓનું કૌભાંડ
• ખોટા બીલ અને ચલણ બનાવી 5.98 કરોડનું કૌભાંડ
• GST વિભાગના ચાર કર્મચારી સહિત 35 લોકો સામે ફરિયાદ

ડીસામાં 8 વર્ષ અગાઉ વેટ કાયદા હેઠળ પેટ્રોલ પંપ સંચાલકોએ  ખોટા બીલ અને ચલણ બનાવીને મોટું કૌભાંડ આચરવામાં આવ્યું હતું, જેમાં GST વિભાગના ચાર કર્મચારી સહિત 35 લોકો સામે ફરિયાદ નોંધાઈ છે. મહત્વનું છે કે  GST અધિકારીઓ 5.98 કરોડનું કૌભાંડ આચર્યું હતું જેને લઈને ડીસા ઉત્તર પોલસ મથકે સહાયક વેરા રાજ્ય કમિશનરે ફરિયાદ કરતા સરકારી નાણાંની ઉચાપત મુદ્દે કાર્યવાહી હાથ ધરવામાં આવી છે. 

ખોટા બીલ અને ચલણ બનાવી 5.98 કરોડનું કૌભાંડ

મહત્વનું છે કે વેપારીઓએ જાતે વેટ ભર્યા બાદ  સહાયક રાજ્ય વેરા કમિશનરની કચેરી ડીસાના સીનીયર કારકુન પાસે તેમના લોગીન આઈડીમાંથી વેટ ભર્યા બાદ એકનોલેજમેન્ટ રીશીપ્ટ જનરેટ કરી હતી અને સરકાર સાથે છેતરપિંડી આચરી હતી સમગ્ર પ્રકરણમાં ગુનાહિત કાવતરું રચી વેપારીઓના હિતમાં સરકારને 5.98 કરોડનો ચૂનો ચોપડયો હતો. જે મામલે ડીસા પોલીસ મથકમાં ફરિયાદ નોંધાવી છે.