વ્યક્તિને ઢસડતી અને બેરહેમીથી મારતી આરોપી મહિલાઓનો એક વીડિયો સોશિયલ મીડિયામા વાયરલ થઈ રહ્યો છે. વીડિયોમાં કેટલીક મહિલાઓ એક વ્યક્તિને લાકડીઓથી માર મારી રહી છે.
કેરળના ત્રિશૂર જિલ્લામાં 59 મહિલાઓ પર એક પુરુષને નિર્દયતાથી મારવાનો આરોપ છે. ત્યારે પીડિત યુવકે સોશિયલ મીડિયા પર એક છોકરીનો મોર્ફ કરેલો ફોટો શેર કર્યો હતો, જેનાથી આ મહિલાઓ ગુસ્સે થઈ ગઈ હતી. પોલીસે જણાવ્યું કે તમામ આરોપીઓ વિરુદ્ધ કેસ નોંધવામાં આવ્યો છે અને તેમાંથી 11ની ધરપકડ પણ કરવામાં આવી છે. તમામ આરોપીઓ આધ્યાત્મિક રીટ્રીટ સેન્ટરના સભ્યો છે. ત્યારે મહિલાઓએ એ સમયે હુમલો કર્યો જ્યારે શાજી કારમાં અન્ય પાંચ લોકો સાથે ક્યાંક જઈ રહ્યો હતો.
મહિલાઓ પુરુષને ખેંચીને બેરહેમીથી મારતી હોવાનો વીડિયો સોશિયલ મીડિયા પર વાયરલ થયો છે. વીડિયોમાં કેટલીક મહિલાઓને લાકડીઓથી પુરુષ પર હુમલો કરતી પણ જોઈ શકાય છે. પોલીસે જણાવ્યું કે નજીકના મુરિયાદના રહેવાસી શાજી હજુ પણ હોસ્પિટલમાં સારવાર હેઠળ છે. તેણે કહ્યું કે તે વ્યક્તિ અને તેના પરિવારે 'રિટ્રીટ સેન્ટર' સાથેના સંબંધો તોડી નાખ્યા હતા.
માર મારતી વખતે પીડિત પરિવારના સભ્યો સાથે હતો
આ ઘટના બની તે સમયે કારમાં પીડિત સાથે પરિવારના અન્ય 5 સભ્યો પણ હતા. આ ઘટનામાં પરિવારના સભ્યોને પણ નાની મોટી ઈજાઓ થઈ હતી અને હુમલામાં વાહનની વિન્ડશિલ્ડ તૂટી ગઈ હતી.પોલીસે જણાવ્યું હતું "પુરુષની ફરિયાદ મુજબ, મહિલાઓએ એક ગેરસમજ હેઠળ તેના પર હુમલો કર્યો કે તેણે રીટ્રીટ સેન્ટરની એક મહિલાનો મોર્ફ કરેલા ફોટોગ્રાફ્સ શેર કર્યો હતો.
મહિલાઓ વિરૂદ્ધ અલગ અલગ કલમ હેઠળ ગુનો નોંધવામાં આવ્યો
11 આરોપી મહિલાઓને જેલમાં મોકલવામાં આવી છે. આરોપીઓ વિરુદ્ધ ભારતીય દંડ સંહિતાની કલમ 307, 143, 147, 144, 128 સહિત વિવિધ કલમો હેઠળ કેસ નોંધવામાં આવ્યો છે. 11 આરોપી મહિલાઓને મહિલા જેલમાં મોકલવામાં આવી હતી.તેમણે કહ્યું કે આ મામલે તપાસ ચાલી રહી છે. માનવામાં આવી રહ્યું છે કે આ કેસમાં કેટલીક વધુ મહિલાઓની પણ ધરપકડ થઈ શકે છે. જો કે આ ઘટનામાં એ પણ તપાસ કરવામાં આવી રહી છે કે આરોપી મહિલાઓના ફોટો દ્વારા શેર કરવામાં આવ્યો હોવાનો દાવો સાચો છે કે નહી. જો દાવો સાચો હોય તો કાયદાકીય કાર્યવાહી પણ થઈ શકે છે.