ચિંતાજનક / દેશનાં વિખ્યાત શૈક્ષણિક સંકૂલમાં કોરોનાનાં 55 નવા કેસ આવતા મચ્યો હડકંપ, આરોગ્ય સચિવે કહ્યું ટેન્શન નથી

• IIT MADRAS માં કોવિડના 55 કેસ 
• 1,420 લોકોમાંથી 55 લોકોને આઇસોલેટ કરવામાં અવ્યાં 
• બૂસ્ટર ડોઝ માટે સ્પેશિયલ ડ્રાઇવ શરૂ

IIT-M માં કોરોનાનાં 55 નવા કેસ 

ઈન્ડિયન ઈન્સ્ટિટ્યૂટ ઓફ ટેક્નોલોજી (IIT) મદ્રાસમાં કોરોનાના 55 કેસ સામે આવ્યા છે. તમિલનાડુના આરોગ્ય સચિવ જે રાધાક્રિષ્નને શનિવારે ચેન્નાઈમાં રસીકરણ કેન્દ્રની મુલાકાત લીધી અને કહ્યું હતું કે પરિસ્થિતિ નિયંત્રણમાં છે. રાધાકૃષ્ણને કહ્યું કે 1,420 લોકોમાંથી 55 લોકોને અત્યાર સુધીમાં અલગ રાખવામાં આવ્યા છે. આ બધા કોવિડ-19ના ખૂબ જ સ્ટેબલ અને ખૂબ જ હળવા કેસો છે. તેમણે કહ્યું કે વહીવટીતંત્ર કેમ્પસમાં પહેલેથી જ ઉપલબ્ધ આઇસોલેશન સુવિધાનો અસરકારક રીતે ઉપયોગ કરી રહ્યું છે.

પહેલા 30 હતી સંખ્યા 
રાધાકૃષ્ણનના જણાવ્યા અનુસાર, શુક્રવાર સુધી IIT-Mમાં સંક્રમણના કુલ કેસોની સંખ્યા 30 હતી. તેમણે કહ્યું કે કેસની સંખ્યા વધીને 55 થઈ ગઈ છે. સેમ્પલ જીનોમ સિક્વન્સિંગ માટે મોકલવામાં આવ્યા છે. આશા છે કે વિશ્લેષણના પરિણામો 2-3 અઠવાડિયામાં આવશે.

'માસ્ક ફરજિયાત જ છે'
જ્યારે ફેસ માસ્ક પરના નિયંત્રણો વિશે પૂછવામાં આવ્યું ત્યારે તેમણે કહ્યું, "તામિલનાડુએ ક્યારેય માસ્કના નિયંત્રણ હટાવ્યા નથી. માત્ર દંડ લાદવાની પ્રક્રિયા થોડી ધીમી કરવામાં આવી હતી, જેને અમે ફરીથી લાગુ કરી છે." તેમણે કહ્યું હતું કે 93 ટકા વસ્તીને વેક્સિનનો પહેલો ડોઝ અને 77 ટકા લોકોને બીજો ડોઝ મળ્યો છે. 

'બૂસ્ટર ડોઝ માટે સ્પેશિયલ ડ્રાઇવ શરૂ'
આરોગ્ય સચિવે જણાવ્યું હતું કે, "જે લોકો બૂસ્ટર ડોઝ માટે લાયક છે તેઓએ તે મેળવવાનું શરૂ કરવું જોઈએ. આથી, અમે એક વિશેષ ડ્રાઈવ ચલાવી રહ્યા છીએ, જેનું મોનિટરિંગ ખુદ મુખ્યમંત્રી એમ કે સ્ટાલિન કરશે. રાજ્યએ તેના તબીબી માળખાને પૂરતા પ્રમાણમાં અપગ્રેડ કર્યું છે. 2,099 ખૂબ જ ઇમરજન્સી કોવિડ રિસ્પોન્સ પેકેજ હેઠળ સારી કક્ષાના ICU બેડસ તૈનાત કરવામાં આવી રહ્યા છે. તેથી ગભરાવાની જરૂર નથી."