બ્લેક ફંગસનો હાહાકાર! / અહીં 54 લોકોએ આંખ ગુમાવવી પડી, 80ના મોત થતાં મચ્યો હડકંપ 

• બ્લેક ફંગસના દર્દીઓની સંખ્યા એક હજારની નજીક પહોંચી 
• નાના શહેરોમાં હજુ નથી મળી રહી સારવાર 
• 54 લોકોએ આંખ ગુમાવવી પડી, 80ના મોત 

કોરોના વાયરસના ખતરાની સાથે સાથે હવે બ્લેક ફંગસનો ખતરો પણ વધી રહ્યો છે. અત્યાર સુધી આવા દર્દીઓની સંખ્યા એક હજારની પાસે પહોંચી ગઈ છે. 54 દર્દીની આંખો પણ કાઢવી પડી છે જ્યારે 80 લોકોના જીવ ગયા છે. બીજુ કે તદ્દન અલગ હકીકત એ છે કે અત્યાર સુધી બ્લેક ફંગસની કોઈ ચોક્કસ સારવાર શરૂ જ નથી થઈ શકી. મોટા શહેરોમાં તો તત્કાલીક સારવાર મળી પણ રહી છે પરંતુ નાના શહેરોમાં દર્દીઓને ફક્ત રેફર કરવામાં આવી રહ્યા છે. ત્યાં સુધી તે હાયર સ્ટેજ પર પહોંચી જાય છે અને સ્થિતિ ખૂબ ખરાબ થઈ જાય છે. દવાઓ અને ઈન્જેક્શન ન મળવાની ફરિયાદ પણ ઘણી જગ્યાઓ પર થઈ રહી છે. 

ઈન્જેક્શનની રાહ જવામાં જતો રહ્યો જીવ 
ગાઝિયાબાદના એક દર્દીમાં બ્લેક, યલો, અને વ્હાઈટ ત્રણેય ફંગસના લક્ષણો હતા. તેને બચાવવા માટે ઈન્જેક્શનની જરૂર હતી. પરંતુ ઈન્જેક્શન ન મળી શક્યું અને તેનું મોત થઈ ગયું. સારવાર સમય પર ન મળવાના કારણે  શાહજહાંપુરમાં 5 દર્દીઓમાં આ ફંગસ મળી આવી હતી પરંતુ જ્યાં સુધી તે રેફર થઈને મોટા શહેર પહોંચ્યા ત્યાં સુધીમાં 2 દર્દીઓના મોત થઈ ગયા હતા. આ જ રીતે પીલીભીતમાં ત્રણ જ મળ્યા પરંતુ તેમાંથી એક પણને બચાવી ન શકવામાં આવ્યા. 

મુરાદાબાદમાં 17 દર્દીઓ નોંધાયા, બધાની આંખો કાઢવી પડી 
પ્રદેશમાં સૌથી વધુ અસર મુરાદાબાદમાં જોવા મળી હતી. જ્યાં 17 દર્દીઓમાં બ્લેક ફંગસના લક્ષણ જોવા મળ્યા હતા અને દરેકની આંખો કાઢવી પડી હતી. વારાણસીમાં કુલ 128 દર્દીઓમાં 19ના મોત થઈ ગયા હતા. જ્યારે 14ની આંખો કાઢવી પડી હતી. આ આંકડા ફંગસ કેટલી ભયાનક સાબીત થઈ શકે છે તેનો સંકેત આપી રહ્યા છે.