સોમવારે નાગપુર રેલવે સ્ટેશન પરથી શંકાસ્પદ વસ્તુઓથી ભરેલી એક બેગ મળી આવી. જેમાંથી વિસ્ફોટક સામગ્રીવાળા 54 ડેટોનેટર મળી આવ્યા.
નાગપુર રેલવે સ્ટેશન પરથી મળી આવી શંકાસ્પદ બેગ
બેગની અંદરથી મળી આવ્યા ઓછી વિસ્ફોટક સામગ્રીવાળા 54 ડેટોનેટર
GRP અને RPFના કર્મચારીઓએ વિસ્તારને કોર્ડન કરી લીધો હતો
સોમવારે નાગપુર રેલવે સ્ટેશન પર શંકાસ્પદ વસ્તુઓથી ભરેલી એક બેગ મળી આવી હતી. બાદમાં આરપીએફ અને બીડીડીએસની ટીમ તેની તપાસમાં લાગી ગઈ હતી. આ મામલે નાગપુરના પોલીસ કમિશનર અમિતેશ કુમારે જણાવ્યું હતું કે, બેગમાંથી ખૂબ જ ઓછી વિસ્ફોટક સામગ્રીવાળા 54 ડેટોનેટર મળી આવ્યા હતા. એક અધિકારીએ જણાવ્યું હતું કે, એક પોલીસકર્મીએ સાંજના લગભગ 7:30 વાગ્યે મુખ્ય દ્વારની બહાર ટ્રાફિક પોલીસ બૂથ પાસે એક લાવારિસ બેગ પડેલી જોઈ.
નાગપુર રેલવે સ્ટેશન પર QRT જવાનોને તૈનાત કરવામાં આવ્યા
ત્યાર બાદ ડોગ સ્ક્વોડ અને બોમ્બ ડિફ્યુઝલ એન્ડ ડિસ્પોઝલ સ્ક્વોડ ઘટનાસ્થળે પહોંચી ગઇ હતી. બીજી તરફ, સરકારી રેલવે પોલીસ (GRP) અને રેલવે પ્રોટેક્શન ફોર્સ (RPF)ના કર્મચારીઓએ સાવચેતીના ભાગરૂપે વિસ્તારને કોર્ડન કરી લીધો હતો. અધિકારીએ જણાવ્યું કે, BDDS ટુકડી રાત્રે 8 વાગ્યાની આસપાસ ઘટનાસ્થળે પહોંચી અને બેગને પોતાના કબજામાં લઈ લીધી. નાગપુર રેલવે સ્ટેશન પર નાઇટ પેટ્રોલિંગ માટે QRT જવાનોને તૈનાત કરવામાં આવ્યા છે. અધિકારીએ કહ્યું કે, પોલીસ બેગ ચોરનાર વ્યક્તિને ઓળખવા માટે સીસીટીવી ફૂટેજની તપાસ કરી રહી છે.
નાગપુર રેલવે સ્ટેશન પરથી મળી આવી શંકાસ્પદ બેગ
Maharashtra | A bag containing suspicious items has been found at Nagpur railway station. Railway Protection Force (RPF) and BDDS (Bomb Detection and Disposal Squads) teams are investigating it: Ashutosh Pandey, RPF Official Central Railway, Nagpur pic.twitter.com/qMD0kCU1RC
તમને જણાવી દઇએ કે, સોમવારે પંજાબના મોહાલીમાં પંજાબ પોલીસના ઈન્ટેલિજન્સ યુનિટના હેડક્વાર્ટર પરિસરમાં વિસ્ફોટ થયો હતો. પોલીસે જણાવ્યું હતું કે, વિસ્ફોટ લગભગ 7:45 વાગ્યે થયો હતો અને હજુ સુધી આ ઘટનામાં કોઈ જાનહાનિ કે સંપત્તિને નુકસાન થયું નથી. પોલીસે સમગ્ર વિસ્તારને ઘેરી લીધો છે અને પંજાબ પોલીસના વરિષ્ઠ અધિકારીઓ ઘટનાસ્થળે પહોંચી ગયા હતાં. ફોરેન્સિક ટીમને પણ ઘટનાસ્થળે બોલાવવામાં આવી છે. વિસ્ફોટની આ ઘટના 24 એપ્રિલે ચંદીગઢની બુડૈલ જેલ પાસે વિસ્ફોટક સામગ્રી મળી આવ્યાના થોડા દિવસો બાદ બની હતી.
અગાઉ રવિવારે, પંજાબ પોલીસે તરનતારન જિલ્લાના એક ગામમાં આશરે 1.5 કિલો RDX ધરાવતો વિસ્ફોટક ઉપકરણ રિકવર કર્યા બાદ 2 લોકોની ધરપકડ કરી હતી. બ્લેક મેટલ બોક્સમાં પેક કરાયેલ અને 2.5 કિલોથી વધુ વજન ધરાવતા IEDને ટાઈમર, ડેટોનેટર, બેટરી અને શાર્પનેલથી સજ્જ કરાયા હતાં. તેઓએ જણાવ્યું કે, ધરપકડના કારણે સરહદી રાજ્યમાં સંભવિત આતંકવાદી હુમલો ટાળવામાં આવ્યો હતો, એમ તેમણે જણાવ્યું હતું. ત્રણ દિવસ પહેલાં પંજાબ પોલીસ પાસેથી મળેલી માહિતીના આધારે હરિયાણા પોલીસે કરનાલમાં ચાર લોકોની ધરપકડ કરી હતી. જેમની પાસેથી ધાતુના કેનમાં ભરેલા ત્રણ IED (2.5-2.5 કિગ્રા) મળી આવ્યા હતા.