મહામારી / કોરોનાના બીજી લહેરે ચિંતા વધારી, ફ્રાન્સમાં 53 હજાર કેસ આવતા WHOએ આપ્યું મોટું નિવેદન

• કોરોનાના બીજી લહેરે ચિંતા વધારી
• ફ્રાન્સમાં 53 હજાર કેસ
• WHOએ કહ્યું હવે સમય બરબાદ ના કરો, સખત બનો

ફ્રાંસમાં લોકડાઉનની અસર થઇ રહી નથી. બીજું લોકડાઉન લગાવ્યાને લગભગ એક અઠવાડિયું પસાર થઇ ગયું છે, પરંતુ અત્યાર સુધી સંક્રમણના દરમાં કોઇ ઘટાડો થયો નથી. 
સોમવારે અહીં ૫૨,૫૧૮ કેસ સામે આવ્યા હતા. આ દરમિયાન ૧૦૦૦ લોકોને ગંભીર સ્થિતિમાં હોસ્પિટલમાં એડમિટ કરાયા હતા. 

કોરોનાના કેસ વધતા મૈક્રોં સરકાર દબાણમાં

બીજી તરફ લોકડાઉન છતાં કેસ વધતાં એમેનુએલ મૈક્રોં સરકાર દબાણમાં છે. લોકોનું કહેવું છે કે લોકડાઉન હટાવી લેવું જોઇએ, કેમ કે તે બિનઅસરકારક સાબિત થઇ રહ્યું છે. રોજેરોજ કેસ વધી રહ્યા છે. દેશમાં હવે કુલ કેસ ૧૫ લાખ થઇ ગયા છે. 

ડબ્લ્યુએચઓએ ફરી એક વાર એ દેશોને ચેતવણી જાહેર કરી

ડબ્લ્યુએચઓએ ફરી એક વાર એ દેશોને ચેતવણી જારી કરી છે, જેઓ મહામારીને લઇ સખત નથી. ડબ્લ્યુએચઓના ડિરેક્ટર જનરલ ટેડ્રોસ એડહેનોમ ગેબ્રેયેસીસ કહ્યું કે હજુ સમય છે જ્યારે દેશોએ સખત બનવું જોઇએ. હજુ મોડું થયું નથી. જો હવે પગલાં ભરવામાં નહી આવે તો પરિસ્થિતિ હાથમાંથી નીકળી જશે. હવે એ સમય છે જ્યારે દુનિયાભરના નેતાઓએ આગળ આવવું પડશે અને સાથે મળીને આ મહામારીનો મુકાબલો કરવો પડશે.