ચોંકાવનારી ઘટના / તામિલાનાડુઃ 7 વર્ષના બાળકના મોઢામાંથી 526 દાંત કાઢવામાં આવ્યા, ડૉક્ટરો ચોંકી ઉઠ્યા

સાત વર્ષના રવીન્દ્રનાથના ડાબા ગાલ પર સોજો જોઈને તેનાં માતા પિતાને લાગ્યું કે તેના દાંત સડી ગયા છે. જો કે, પછી ખબર પડી કે રવીન્દ્રના જડબાની નીચે 526 દાંત છુપાયેલાં હતા. રવીન્દ્રએ મીડિયાની સામે પોતાના મોઢાને અડીને દેખાડ્યું કે તેનાં દાંત અને જડબામાં દર્દ નથી. તેને હજુ પણ થોડો સોજો છે પણ તે ધીમે ધીમે ઠીક થઈ જશે. 

સવિતા ટંડેલ કોલેજના ડોક્ટરોએ જણાવ્યું કે, રવીન્દ્રના માતાપિતાને સર્જરી માટે મનાવતાં થોડી જ મિનિટ લાગી પણ બાળકને મનાવતાં કેટલાય કલાકો નીકળી ગયા હતા. બાળકને મનાવ્યા બાદ પાંચ કલાક સર્જરી ચાલી હતી. આ સર્જરીના ક્ષેત્રમાં એક મોટી ઉપલબ્ધિ છે. 

Tamil Nadu: 526 teeth were removed from the lower jaw of a 7-year-old boy at a hospital in Chennai. Dr Senthilnathan says, "A 4x3 cm tumour was removed from the lower right side of his jaw, after that, we came to know that 526 teeth were present there." pic.twitter.com/yBGohNBa7r

— ANI (@ANI) July 31, 2019

જો કે, ડોક્ટરોએ આ બીમારીનું કારણ જણાવ્યું નથી. ડોક્ટરોએ કહ્યું કે, મોબાઈલ ટાવરના રેડિયેશન અને આનુવંશિક કારણોને કારણે આવું થઈ શકે છે.  રવીન્દ્ર જ્યારે ત્રણ વર્ષનો હતો, ત્યારે તેના પરિવારજનોએ ડાબા ગાલ પર સોજો જોયો હતો. ત્યારે સરકારી હોસ્પિટલના ડોક્ટરો તેને સર્જરી માટે મનાવી શક્યા ન હતા. અને અમે પણ તેને દબાણ કર્યું ન હતું. રવીન્દ્રના પરિવારજન સવિતા ડેન્ટલ કોલેજ પહોંચ્યા હતા. 

અહીં એક્સ-રે અને સીટી સ્કેન પછી ખબર પડી કે તેનાં જડબાની નીચે અનેક નાનાં નાનાં દાંત હતા. ડોક્ટરોએ કહ્યું કે, સર્જરી માટે હાંડકું તોડ્યા વગર અમે ડ્રિલ કર્યું હતું. આ પહેલાં ક્યારેય પણ કોઈ માણસના મોઢામાં આટલાં દાંત જોયા નથી.