જો તમને પણ દરિયાની અંદરની દુનિયા વિશે જાણવા અને જોવામાં રસ છે તો તમે સ્કૂબા ડ્રાઇવિંગની મજા માણી શકો છો. પરંતુ સ્કૂબા ડાઇવિંગ માટે તમારે એવી જગ્યા પસંદ કરવાની રહેશે જ્યાં દરિયાની અંદરની અનોખી દુનિયા પણ જોવા મળી શકે. આજે અમે તમને જણાવવા જઈ રહ્યા છીએ ઈન્ડોનેશિયાની અનોખી દુનિયા વિશે જ્યાં તમને દરિયાની અંદર 5000 વર્ષ જૂનું મંદિર મળશે.
ઇન્ડોનેશિયાની દરિયાની નીચે બનેલું આ મંદિર વર્ષો જૂનું છે. આ મંદિર ભગવાન શિવને સમર્પિત છે અને તેમાં સ્થિત વિષ્ણુની મૂર્તિ આશરે 5000 વર્ષ જૂની છે. દરિયામાં ડાઇવિંગ અથવા તો સ્વીમિંગ કરતી વખતે આ મંદિર જોવાનું ચૂકતા નહી.
દરિયાની નીચે સ્થિત આ મંદિર જોવામાં ખંડેર જેવું લાગે છે. લોકોનું માનવું છે કે આ દ્વારકા નગરી હોય શકે છે કારણ કે દ્વારકા નગરી દરિયાકિનારે વસેલી હતી અને થોડા સમય પછી તે જળમગ્ન થઈ ગઈ હતી. ભગવાન વિષ્ણુના સિવાય અહીં ભગવાન શિવની મૂર્તિ પણ ખૂબ સુંદર છે. ભગવાન વિષ્ણુ અને શિવના સિવાય અહીં અન્ય ઘણી બધી મૂર્તિઓ છે. આ મૂર્તિઓ પ્રાચીન સમયમાં થતી પૂજાને દર્શાવે છે. હિન્દુ ભગવાનના સિવાય અહીં ભગવાન બુદ્ધની પણ મોટી-મોટી મૂર્તિઓ છે. જો તમે પણ આ અનોખી નગરીની સેર કરવા ઈચ્છો છો તો આજે જ સ્વીમિંગ શીખી લો.
કેવી રીતે પહોંચશો?
સૌથી નજીકનું એરપોર્ટ ડેનપાસર છે જે બાલીમાં છે. આ સિવાય સોઇકામો હટ્ટા જકાર્તા ઈન્ટરનેશનલ એરપોર્ટ છે જ્યાં પહોંચીને તમે ટેક્સી અને અન્ય ટ્રાંસપોર્ટના માધ્યમથી ત્યાં પહોંચી શકો છો.