તડજોડ / પાટણ ભાજપમાં મોટુ ગાબડું, 500 જેટલી મહિલાઓએ કોંગ્રેસનો છેડો પકડ્યો, રાજકારણમાં ચર્ચાનું ચકડોળ

• પાટણના સરસ્વતી તાલુકામાં ભાજપમાં ગાબડું
• કાતરા ગામની 500 જેટલી મહિલાઓ કોંગ્રેસમાં જોડાઇ

આ વર્ષના અંતમાં ગુજરાત વિધાનસભા ચૂંટણી આવી રહી છે. ગણતરીના મહિના આડે રહેતા દરેક પક્ષ સક્રિય થઈ ગયો છે અને એક પક્ષ માંથી બીજા પક્ષમાં પોતાની તરફ ખેંચવા તડજોડની રાજનીતિ કરી રહ્યો છે. કોંગ્રેસ હોય કે ભાજપ, કે પછી આપ દરેક સમાજને પ્રભુત્વ આપવા માટે અત્યારથી કમરકસી લીધી. આમ જોવા જઈએ તો કોંગ્રેસનો છેડો ફાડી ભાજપમાં કેસરીયો કરવાની લાઈનો લાગી છે પણ પાટણમાં કોંગ્રેસ ભાજપમાં ગાબડું પાડવામાં સફળ રહી છે. 

500 મહિલાએ ભાજપ છોડી કોંગ્રેસનો હાથ પકડ્યો
પાટણના સરસ્વતી તાલુકામાં ભાજપને મોટો ફટકો પડ્યો છે. કાતરા ગામની 500 જેટલી મહિલાઓ કોંગ્રેસમાં જોડાતા પાટણનું રાજકારણ ગરમાયું છે. ભાજપ સાથે છેડો ફાડી મહિલાઓએ  કોંગ્રેસનો ખેસ પહેરી લીધો છે. તાલુકામાં વિવિધ મોરચાના હોદ્દેદારોએ પણ ભાજપ છોડ્યું છે. MLA ચંદનજી ઠાકોરે ભાજપથી નારાજ ચાલી રહેલા લોકોને કોંગ્રેસની વિચારધારા સાથે જોડવાનું લોબિંગ કર્યું છે.

17 ઓગસ્ટે ભાજપમાં જોડાશે કોંગ્રેસના પૂર્વ 2 દિગ્ગજ નેતા
તો બીજી તરફ ભાજપે પણ કોંગ્રેસમાં મોટું ગાબડું પાડ્યું છે. પૂર્વ ગૃહમંત્રી નરેશ રાવલ તથા પૂર્વ સાંસદ રાજુ પરમારને ભાજપે પોતાના પક્ષે કર્યા છે. ઉલ્લેખીય છે કે, ગઈકાલે બંને નેતાઓએ મુખ્યમંત્રી ભૂપેન્દ્ર પટેલ સાથે મુલાકાત કરી હતી અને PM મોદીના નેતૃત્વમાં ભાજપમાં જોડાઇ કામ કરવાની ઇચ્છા વ્યક્ત કરી હતી. મહત્વનું છે કે આ બંને નેતાઓ 17 ઓગસ્ટે CM ભૂપેન્દ્ર પટેલની હાજરીમાં વિધીવત રીતે ભાજપમાં જોડાશે.

તાજેતરમાં જ આપ્યું કોંગ્રેસી નેતાએ આપ્યું છે રાજીનામું 
નરેશ રાવલે (naresh raval) કોંગ્રેસમાંથી રાજીનામું આપવા અંગે નિવેદન આપતા જણાવ્યું કે, 'અમે બધા ઘણા વર્ષોથી કોંગ્રેસ સાથે સંકળાયેલા હતા. અત્યારે મારે કારણમાં નથી પડવું. કોંગ્રેસમાં મને કડવા અનુભવ થયા છે. સાચી પરિસ્થિતિ સમજ્યા વગર કામ થાય છે. પ્રદેશ નેતાઓ અને હાઇકમાન્ડ દ્વારા કડવા અનુભવ થયા છે. PM નરેન્દ્રભાઈ મોદીના નેતૃત્વમાં હું અને રાજુ પરમાર ભાજપમાં જોડાશું. કોંગ્રેસમાં ટીમ વર્કનો મોટો અભાવ છે. કોંગ્રેસમાં એહમદ પટેલની કમી દેખાઈ છે.'