અજીબોગરીબ / ભારે કરી ! અધિકારી બનીને આવેલી ચોર ટોળકી 500 ટનનો પુલ ઉપાડી ગઈ, સરકારના અધિકારીઓને 3 દિવસ ધંધે લગાડ્યા

• બિહારમાં અજીબોગરીબ મામલો સામે આવ્યો
• ચોર ટોળકીએ 3 દિવસમાં મોટો પુલ ગાયબ કરી દીધો
• સરકારી અધિકારીઓ પાસે કામ કરાવ્યું

બિહારના રોહતાસ જિલ્લામાં ચોરીનો એક અજીબોગરીબ મામલો સામે આવ્યો છે. અહીં નકલી અધિકારી બનીને આવેલી ચોર ટોળકીએ ત્રણ દિવસમાં 60 ફૂટ લાંબો અને 500 ટન વજન ધરાવતો લોખંડનો પુલ ગાયબ કરી દીધો હતો. મજાની વાત તો એ છે કે, ચોરોએ સિંચાઈ વિભાગના કર્મચારીઓ પાસેથી પુલ કપાવ્યો અને ગાડીઓમાં લોખંડ ભરાવીને તેમનું જ લોખંડ ચોરી ગયા. આ આખો કાંડ ધોળા દિવસે થયો અને કોઈને જરાં પણ શંકા ન ગઈ.

આ આખો મામલો નાસરીગંજ પોલીસ સ્ટેશન હદ વિસ્તારમાં આવેલા અમિયાવરનો છે. અહીં આરા કૈનાસ નહેર પર 1972ની આસપાસ લોખંડનો પુલ બનાવામાં આવ્યો હતો. આ પુલને ત્રણ દિવસમાં ચોરોએ ચાલાકીથી કપાવ્યો અને તેનું લોખંડ ટ્રકમાં ભરીને રફ્ફુચક્કર થઈ ગયા હતા. આ પુલને કાપવામાં બુલડોઝર, ગેસ કટરનો પણ ઉપયોગ કરવામાં આવ્યો હતો.

મીઠી વાતોમાં આવી ગયું આખું ગામ અને સ્થાનિક કર્મચારીઓ

ચોરોએ એટલી ચાલાકીથી આ ઘટનાને પાર પાડી કે, ગામ લોકોથી લઈને સ્થાનિક કર્મચારીઓ સુધી જેમના પ્લાનમાં ફસાઈ ગયા હતા. તેઓ સિંચાઈ વિભાગના અધિકારી બનીને ગામમાં પહોંચ્યા અને વિભાગીય આદેશ બતાવીને પુલને કાપવાનું શરૂ કરાવ્યું. આવી રીતે લગભગ 60 ફૂટ લાંબો અને 12 ફૂટ ઉંચો લોખંડનો પુલ ચોરી થઈ ગયો. મામલો સામે આવ્યા બાદ જૂનિયર એન્જીનિયર અરશદ કમાન શમ્સીએ જણાવ્યું હતું કે, ચોર લોકો વિરુદ્ધ પોલીસમાં ફરિયાદ નોંધવામાં આવી છે. 

Bihar |60-feet long-abandoned steel bridge stolen by thieves in Rohtas district

Villagers informed some people pretending as mechanical dept officials uprooted bridge using machines like JCB & gas-cutters. We've filed the FIR:Arshad Kamal Shamshi, Junior Engineer,Irrigation dept pic.twitter.com/o4ZWVDkWie

— ANI (@ANI) April 9, 2022

ચોર લોકોએ દિમાગ ચલાવ્યું

કહેવાય છે કે, ચોર લોકોએ દિમાગ લગાવ્યું છે. ચોરોએ તેનો ઉપયોગ કર્યો હતો. હકીકતમાં જોઈએ તો, લોખંડનો પુલ જર્જરિત થઈ ગયો હતો. એટલા માટે વિભાગ તરફથી સમયાંતરે ક્રોંકિટનો એક પુલ બનાવી દેવામાં આવ્યો હતો. ત્યાર બાદ ગ્રામિણ લોકો લોખંડનો પુલ હટાવવા માટે અરજી પણ આપી ચુક્યા હતા. ચોર લોકોએ આ અરજીનો સહારો લઈને અને ગ્રામિણ લોકોના વિશ્વાસ જીતીને, વિભાગનો આદેશ ગણાવી પુલ ઉપાડી ગયા હતા.