ગાયને માતા ગણતી આપણી સંસ્કૃતિમાં એક શરમજનક ઘટના ઘટી છે. એટલું જ નહીં પણ ગાયચોરો સાથે પોલીસ પણ સામેલ હોવાનું સામે આવ્યું છે.
હાલોલ GIDC વિસ્તારમાંથી ગાયોની મોટા પ્રમાણમાં ચોરી
ગાયોની ચોરી કરનાર 3માંથી 1 શખ્સ ઝડપાયો
સ્થાનિકોએ ચોરને ઝડપી માર મારી પોલીસ હવાલે કર્યો
પંચમહાલના હાલોલ GIDC વિસ્તારમાંથી ગાયોની મોટા પ્રમાણમાં ચોરી કરનાર શખ્સને લોકોએ ઝડપી પાડ્યો છે.
ગાય ચોરી માટે પોલીસને હપ્તો આપવાની પણ કબૂલાત કરવામાં આવી
ગાયોની ચોરી કરનાર 3માંથી 1 શખ્સને લોકોએ ઝડપી અને પોલીસ હવાલે કર્યો છે. ત્યારે ઝડપાયેલા શખ્સે ખુલાસો કરતા કહ્યું કે તેણે 3 મહિનામાં 500 ગાયોની ચોરી કરી વેચી મારી છે. 3 શખ્સો ખાનગી વાહનમાં ગાય ચોરી કરવા આવ્યા હતા. અને ગાય ચોરી માટે પોલીસને હપ્તો આપવાની પણ કબૂલાત કરવામાં આવી છે. હાલ સમગ્ર ઘટનાનો વીડિયો વાયરલ થયો છે. ત્યારે હાલોલ પોલીસેની કામગીરી સામે પણ સવાલ ઉઠ્યા છે.