OMG / નારીશક્તિને સલામ! 50 મહિલાઓએ સાથે મળીને શરૂ કર્યું 'ગેરેજ ઓન વ્હીલ્સ', ચારેકોર થઈ રહ્યા છે વખાણ

• 'ગેરેજ ઓન વ્હીલ્સ', મહિલા મિકેનિક્સની અનોખી પહેલ ઇન્દોરમાં શરૂ
• કુલ 50 જેટલી મહિલાઓ હાલ કાર્યરત
• હવે ગેરેજ જ ઘરે આવશે બાઈક રિપેરિંગ માટે

અત્યાર સુધી  150 જેટલી મહિલાઓ એ લીધી તાલીમ 

મહિલાઓને ટેકનીકલ રોજગારી સાથે જોડવાના પ્રયાસોનો દોર 8 માર્ચના રોજ આંતરરાષ્ટ્રીય મહિલા દિન નિમિત્તે મહિલા અને બાળ વિકાસ વિભાગના જોઈન્ટ ડાયરેકટર ડો.સંધ્યા વ્યાસના હસ્તે 'ગેરેજ ઓન વ્હીલ્સ'ને લીલીઝંડી આપવામાં આવી હતી. આ અંતર્ગત મારુતિ વાનને ગેરેજ તરીકે વિકસાવવામાં આવી છે. ઉલ્લેખનીય છે કે અત્યાર સુધીમાં આ જ સમાજ દ્વારા 150 જેટલી મહિલાઓને ટુ વ્હીલર મેકેનિકની તાલીમ આપવામાં આવી છે અને હાલમાં 50 જેટલી મહિલાઓ મિકેનિક્સના રોજગારમાં લાગી છે. આ સંદર્ભે ઈન્દોર શહેરમાં આ સંસ્થા દ્વારા આવા બે ગેરેજ ઉભા કરવામાં આવ્યા છે, જે માત્ર મહિલા મિકેનિક્સ દ્વારા જ ચલાવવામાં આવી રહ્યા છે. આ પ્રયાસના કારણે ઇન્દોરને દેશની પ્રથમ મહિલા મિકેનિક ગેરેજની ઓળખ મળી છે.

ગેરેજ આવશે તમારા ઘર આંગણે 

સમાન સોસાયટીનાં ડાયરેક્ટર રાજેન્દ્ર બંધુએ જણાવ્યું હતું કે, મહિલા મિકેનિક ગેરેજની સ્થાપના બાદ એ અનુભવ સામે આવ્યો હતો કે, લોકોએ પોતાના ટુ-વ્હીલર રિપેરિંગ અને સર્વિસિંગ માટે બે વખત સર્વિસ સેન્ટરના ચક્કર લગાવવા પડતા હોય છે, એક વખત સર્વિસિંગ માટે વાહન મુકવા જવું પડે છે અને બીજી વખત સર્વિસ વ્હીકલ લેવા જવું પડે છે. આ સ્થિતિમાં લોકો એવી વ્યવસ્થા ઇચ્છતા હતા કે વાહનોની સર્વિસિંગ અને રિપેરિંગ તેમના ઘરે જ કરવામાં આવે. સાથે જ મહિલા ટુ વ્હીલર ચાલકોને પણ વાહન રિપેરિંગ માટે ભારે મુશ્કેલીનો સામનો કરવો પડતો હોય છે. રસ્તામાં જો વાહન ખરાબ થઈ જાય તો તેને ગેરેજમાં લઈ જવામાં પણ મુશ્કેલી પડે છે. આ સ્થિતિ 'ગેરેજ ઓન વ્હીલ્સ' એ એક ખુબ જ સારો કોન્સેપ્ટ છે. રસ્તામાં વાહન ખરાબ થઇ જાય તો આ વાહન જરૂરી જગ્યાએ પહોંચી જશે. અને રીપેરીંગ કરી આપશે.

ફક્ત પુરુષો જ નહિ મહિલાઓ પણ બની શકે છે મિકેનિક અને ડ્રાઈવર 

મહિલા અને બાળ વિકાસ વિભાગના જોઇન્ટ ડાયરેક્ટર ડો.સંધ્યા વ્યાસે જણાવ્યું હતું કે, ઇન્દોર મહિલા મિકેનિક્સ અને મહિલા ડ્રાઇવરોએ સમગ્ર સમાજને એક રાહ બતાવ્યો છે. તેઓએ સખત મહેનત અને પડકારોનો સામનો કરીને રોજગારના એક નવા જ પાસાને જન્મ આપ્યો છે અને આ એક ખૂબ જ મહત્વપૂર્ણ બાબત છે. ઇન્દોરની 100 થી વધુ મહિલા મિકેનિક્સ અને મહિલા ડ્રાઇવરોએ આ કાર્યક્રમમાં ભાગ લીધો હતો. આ પ્રસંગે સમાન સમાજ દ્વારા તાલીમ પામેલી મહિલા ડ્રાઇવરો અને મહિલા મિકેનિક્સે પોતાના અનુભવો શેર કર્યા હતા. તેણે કહ્યું કે, જ્યારે તે મિકેનિક અને ડ્રાઇવિંગની નોકરી માટે આગળ આવી ત્યારે પરિવારથી લઈને સમાજના લોકોએ તેને રોકી હતી અને કહ્યું કે આ કામ પુરુષોનું છે. પરંતુ અમે સમાજને બતાવ્યું કે મહિલાઓ પણ આ કામ સારી રીતે કરી શકે છે. મહિલા મિકેનિક્સ દ્વારા સંચાલિત ગેરેજ ઓન વ્હીલ્સની શરૂઆત પણ એક અનોખી પહેલ છે. આ ગેરેજને વાહન રિપેરિંગ માટે ઘરે બોલાવવા માટે સંસ્થા દ્વારા ફોન નંબર બહાર પાડવામાં આવ્યો છે.