ચોંકવાનારું / મહામારીની અંદર અહીં યોજાયો વિશ્વનો સૌથી મોટો LIVE Concert, ભીડની સંખ્યા જાણીને હોશ ઊડી જશે

• ન્યૂઝીલેન્ડમાં ફરી સામાન્ય થઈ રહ્યું છે જનજીવન 
• ઑકલેન્ડમાં આયોજિત કરવામાં આવ્યો કોન્સર્ટ 
• 50 હજાર લોકો થયા સામેલ 

ન્યૂઝીલેન્ડના લોકોને જલસો 

કોરોના વાયરસના કારણે ભારત અત્યારે સૌથી વધારે પીડાઈ રહ્યું છે. ભારતમાં કોરોના વાયરસની બીજી લહેરની માર એવી પડી છે કે લોકો ત્રાહિમામ પોકારી રહ્યા છે અને તંત્ર પોતે વેન્ટિલેટર પર હોય તેવું દેખાઈ રહ્યું છે ત્યારે બીજી તરફ અમુક દેશો એવા પણ છે જે કોરોના વાયરસને મ્હાત આપીને ફરીથી સામાન્ય જીવન જીવી રહ્યા છે.

50 હજારની ભીડ ભેગી કરી 

ન્યૂઝીલેન્ડ કોરોના વાયરસની લહેરને મ્હાત આપીને લોકો હવે રાહતનો શ્વાસ લઈ રહ્યા છે. ન્યૂઝીલેન્ડમાં ધીમે ધીમે જનજીવન પણ હવે પહેલા જેવુ થઈ ગયું છે. એવામાં કોરોનાકાળનો સૌથી મોટો કોન્સર્ટ પણ હવે ન્યૂઝીલેન્ડમાં આયોજીત કરવામાં આવ્યો છે. આ કોન્સર્ટમાં 50 હજાર લોકો સામેલ થાય હતા. 

મોટા પાયે કરવામાં આવ્યું આયોજન 

ન્યૂઝીલેન્ડના ઑકલેન્ડમાં આ કોન્સર્ટનું આયોજન કરવામાં આવ્યું હતું જેમાં ઈડન પાર્કમાં Six60 Band દ્વારા પરફોર્મન્સ આપવામાં આવ્યું. Six60 Band દ્વારા આખા દેશનું ટૂર કરવામાં આવ્યું હતું અને તેનું અંતિમ પરફોર્મન્સ અહિયાં આપવામાં આવ્યું. કોરોના વાયરસના સમયમાં લાંબા સમય બાદ ફરીથી લોકો મોટા મોટા સ્ટેડિયમમાં ભેગા થયા અને આ પ્રકારનું આયોજન કરવામાં આવ્યું. 

નોંધનીય છે કે કોરોના વાયરસ સામે લડાઈ લડવામાં ન્યૂઝીલેન્ડને બહોળા પ્રમાણમાં સફળતા મળી છે અને સફળતા માટે વિશ્વભરમાં દેશના મહિલા પ્રધાનમંત્રી જેસિન્ડાના ખૂબ વખાણ પણ કરવામાં આવે છે. હાલમાં ન્યૂઝીલેન્ડમાં ભારતીયોના જવા પર રોક લગાવી દેવામાં આવી છે કારણ કે ભારતમાં કેસ સતત વધી રહ્યા છે. 

(તસવીરો પ્રતીકાત્મક)