Friday, May 24, 2019

250 કરોડનું 50 કિલો હેરોઇન કરાયું જપ્ત આરોપી ડ્રાઈવરની ધરપકડ 

250 કરોડનું 50 કિલો હેરોઇન કરાયું જપ્ત  આરોપી ડ્રાઈવરની ધરપકડ 
દિલ્લીમાં ઝેરીલા નશાનો કારોબાર કરતી ગેંગનો પર્દાફાશ થયો છે. જેમાં કરોડો રૂપિયાનું હેરોઇન પણ હાથ લાગ્યું છે. મળતી માહિતી પ્રમાણે નાર્કોટિક્સ વિભાગે જમ્મૂ-કશ્મીરના એક ટ્રક ડ્રાઈવરને પકડી પાડ્યો છે. જેની પાસેથી અંદાજીત 50 કિલો હેરોઇન મળી આવ્યું છે.

જેની આંતરરાષ્ટ્રીય કિંમત 250 કરોડ રૂપિયા થાય છે. NCB અધિકારીના જણાવ્યા પ્રમાણે ટ્રક ડ્રાઈવર આ હેરોઇનને સફરજનની પેટીઓમાં છુપાવીને કશ્મીરથી દિલ્લી લાવવાનો હતો પરંતુ જમ્મૂ-કશ્મીરની એક ચેક પોસ્ટ પર બાતમીના આધારે તેને ઝડપી પાડવામાં આવ્યો.

જે બાદ તેની પુછપરછ કરવામાં આવી તો જાણવા મળ્યું કે આ હેરોઇન પાકિસ્તાનથી લાવવામાં આવ્યું હતું અને દિલ્લીમાં એક સપ્લાયર ગેંગને વેંચવાનું હતું. NCB અધિકારીના જણાવ્યા પ્રમાણે આ હેરોઇન અફઘાનિસ્તાનથી પાકિસ્તાનમાં આવ્યું હતું.

ત્યાર બાદ પાકિસ્તાનમાંથી કશ્મીરમાં ઘુસાડવામાં આવ્યું હતું. હાલ NCBએ ટ્રક ડ્રાઈવરની ધરપકડ કરી ટ્રકના માલિકની શોધખોળ હાથ ધરી છે. મહત્વનું છે કે આ પહેલા પણ NCBએ કશ્મીર પોલીસ સાથે મળીને ઓપરેશન હાથ ધર્રીયું હતું. જેમાં 110 કિલો જેટલું હેરોઇન ઝડપી પાડ્યું હતું.
Loading...

જોવા જેવું વધુ જુઓ

બ્રેકિંગ ન્યૂઝ