વડોદરાનાં રૂબી જીમખાનામાં ક્રાઈમ બ્રાંચે દરોડા પાડ્યાં છે. રૂબી જીમખાનામાં ક્લબની આડમાં જુગારધામ ચાલી રહ્યું હતું. જેની જાણ થતા જ ક્રાઈમ બ્રાંચે દરોડા પાડતા 50 જેટલાં જુગારીઓ ઝડપાયાં છે. પોલીસે દરોડા પાડીને 20 બાઈકો, 5 કાર અને 3 લાખ 50 હજાર રૂપિયાની રોકડ રકમ પણ જપ્ત કરી છે. ક્રાઈમ બ્રાંચે મુદ્દામાલ જપ્ત કરીને આ મામલે વધુ કાર્યવાહી હાથ ધરી છે.
મળતી માહિતી મુજબ શહેરમાં આવેલા કારેલીબાગમાં રૂબી જીમખાનું (rubi gymkhana) જે ચાલી રહ્યું હતું તે છેલ્લાં કેટલાંય સમયથી જુગારધામ (Gambling) ચાલતું હોવાનાં સમાચારા સામે આવ્યાં હતાં. જેથી શનિવારનાં રોજ મોડી રાત્રીએ ક્રાઇમ બ્રાન્ચે મળતી માહિતી અનુસાર આ જીમખાનામાં દરોડાં પાડીને 50 જેટલાં જુગારીઓને ઝડપ્યાં અને તે ઉપરાંત 3 લાખ 50 હજાર રૂપિયાની રોકડ રકમ પણ જપ્ત કરી હતી.
આ અંગે ક્રાઇમ બ્રાન્ચનાં ડીસીપી જે.ડી જાડેજાનું કહેવું એમ છે કે, 'આ જુગારીઓને પકડવા માટે અમારી છેલ્લાં પંદરેક દિવસથી મહેનત ચાલી રહી હતી ત્યારે અંતે અમને સફળતા મળી છે. પોલીસનું કહેવું એમ છે કે આ જુગારધામનો મુખ્ય આરોપી અનવર સિંધી છે. જો કે હવે આ ઘટનામાં પોલીસે આ તમામ જુગારીઓની પૂછપરછ હાથ ધરી છે. ઉપરાંત આ જીમખાનામાં શું જુગારધામ સિવાય અન્ય પણ કોઇ ગેરકાયદેસર પ્રવૃત્તિઓ ચાલતી હતી કે નહીં તે મામલે તેઓ દ્વારા તપાસ કરવામાં આવશે.