જો તમારું બાળક એકલું રમી રહ્યું છે તો ચેતજો, આ ઘટના માતા-પિતા માટે લાલબત્તી સમાન છે
માતા-પિતા માટે ચેતવણીરૂપ કિસ્સો
બાળકી બિલ્ડિંગ પરથી નીચે પટકાતા મૃત્યુ
અમદાવાદ રાણીપ વિસ્તારમાં બની ઘટના
અમદાવાદમાં રાણીપ વિસ્તારમાં બનેલી આ ઘટના તમામ માતા-પિતાઓને સાવધાન કરી રહી છે. કારણ કે તમારા બાળકનાઆ જીવનો સવાલ છે. રાણીપ વિસ્તારની એક સોસાયટીમાં 5 વર્ષની બાળકી ધાબા પરથી પટકાતાં મોતને ભેટી છે. નાનકડી માસૂમ દીકરી ધાબા પર રમતી હતી ત્યારે આ ઘટના ઘટી છે. સમગ્ર ઘટનાના CCTV રૂંવાડા ઊભા કરી દે તેવા છે.
માસૂમ દીકરી ધાબા પર એકલી રમતી હતી
એ માસૂમ દીકરી ધાબા પર રમત રમી હતી. એ ખતરાથી અજાણ હતી કે રમત તેનો જીવ લઈ શકે છે, તે રમતી વખતે એટલી મશગુલ હતી આગળ શું બનવાનું છે તેનો તેને ભાસ જ નહતો. અમદાવાદમાં રાણીપમાં એક સોસાયટીમાં બનેલી આ ઘટનામાં 5 વર્ષની માસૂમ દીકરી ઘરેથી રમવા નીકળી હતી. પરિવારને એમ હતું કે દીકરી નીચે કમ્પાઉન્ડમાં રમવા જશે પણ દીકરી ધાબા પર રમવા ચડી ગઈ હતી. પછી રમતા રમતા અચાનક ધાબા પરથી દીકરી નીચે પટકાઈ ગઈ અને કમકમાટી ભર્યું મોત નીપજ્યું. સમગ્ર ઘટનાના CCTVથી હ્રદય દ્રવી જશે.
માતા-પિતામાં ચેતવણીરૂપ કિસ્સો
આ બનાવમાં વાંક કોનો ? કોઈનો નહીં. પણ દરેક માતા-પિતા જે તેમના બાળકને એકલું રમવા મૂકી દે છે અને કલાકોના કલાકો સુધી કોઈ ભાળ મેળવતા નથી. તેમના માટે લાલબત્તી સમાન ઘટના છે. કારણ કે એ 5 વર્ષની માસૂમને નહોતી ખબર કે એકલું ધાબા પર જવાથી ખતરો છે, એકલા ધાબા પર જવાથી કદાચ મોતને પણ ભેટી શકાય છે. ઘણા બાળકો રમત રમવા ધાબા સિવાય પણ અન્ય એવી જગ્યાએ જતાં રહેતા હોય છે, જ્યાં જીવનો ખતરો છે. કોઈનું બાળક સોસાયટીમાં રમવા ગયું હોય છે ને કારમાં ચગદાઈ જાય છે, કોઈનું બાળક એકલૂ રમતું હોય છે અને ખુલ્લી ગટરમાં પડી જાય છે. બાળકો રમતમાં એટલા મશગુલ હોય છે કે તે આગળ શું થશે તેનાથી અજાણ હોય છે. પણ માતા-પિતા તો સમજદાર હોય છે ને કયા રમવા જાય છે, કઈ રમત રમે છે, કયારનું બાળક રમવા ગયું છે, કોણ કોણ રમે છે, કામને સાઈડમાં મૂકી ક્યાંક તો ધ્યાન રાખવું પડશે નહિતર રાણીપના પરિવાર સાથે બનેલી આ ઘટના તમારા પરિવારમાં પણ બની શકે છે. શક્ય હોય ત્યાં સુધી નાના બાળકોને એકલા મૂકવાની જગ્યાએ તેમની સાથે જઈ તેનું ધ્યાન રાખવું જોઈએ, નહિ તો તેને સોસાયટીની આસપાસની એ જગ્યાઓથી જાણ કરાવવી જોઈ કે અહી જવાથી તને વાગી શકે છે. હાલ તો 5 વર્ષની બાળકીનું ધાબા પર પટકાઈ જવાથી મોત થતાં પરિવાર સહિત સોસાયટીના આસપાસનો વિસ્તાર શોકમગ્ન બન્યો છે. હવે આપણે એ ધ્યાનમાં રાખવાનું છે કે આ પરિવાર સાથે બનેલી ઘટના ફરી રિપીટ ન થાય. માસૂમ બાળકનું દરેક રીતે ધ્યાન રાખવું જરૂરી છે કારણ કે તેના જીવનો સવાલ છે.