આજકાલ લોકોને એક મોટી સમસ્યા ઘરના બજેટને મેનેજ કરવામાં આવી રહી છે. આ મુશ્કેલીઓ ન આવે તેના માટે આ રીતે તમારા ઘરનું બજેટ મેનેજ કરો.
ઘરનું બજેટ આ રીતે કરો મેનેજ
ખર્ચ કંટ્રોલ થવાની સાથે પૈસા પણ બચશે
જાણો તમારા પૈસા ક્યાં વધારે વેડફાઈ રહ્યા છે
ઘરનું મેનેજમેન્ટ કોઈ પણ કંપનીના મેનેજમેન્ટ કરવા કરતા કમ નથી અને તેની સાથે જ આ મની મેનેજમેન્ટ માટે ખુબ જ મહત્વનું પણ છે. તમે નોકરીયાત હોવ કે બિઝનેસ ચલાવતા હોવ, તો પણ મહિનાનું એક ફીક્સ બજેટ બનાવવું ખુબ જ જરૂરી છે. જોકે આજકાલ લોકોને એક મોટી સમસ્યા ઘરના બજેટને મેનેજ કરવામાં આવી રહી છે. આ મુશ્કેલીઓ ન આવે તેના માટે આ રીતે તમારા ઘરનું બજેટ મેનેજ કરો.
અઠવાડિયામાં એક વખત કરો આ કામ
કોઈ પણ ઘરમાં જો પૈસા વિશે કોઈ હેલ્દી ચર્ચા ન થતી હોય તો તે ઘરમાં આર્થિક ખતરાનું કારણ બની શકે છે. એટલે જરૂરી છે કે ઘરના સદસ્ય કોઈ પણ પ્રકારના ખર્ચમાં ભાગ લે. તમારે અઠવાડિયામાં ઓછામાં ઓછું એક વખત તો ઘરમાં દરેક સાથે બેસીને ખર્ચના હિસાબ વિશે ચર્ચા કરવી જોઈએ. ઘરના બાળકોને પણ આ બજેટના કોન્સેપ્ટથી પરિચિત કરાવવા જોઈએ કે જેથી તે કામ વગરના ખર્ચ ન કરે અને પૈસાની કિંમતને સમજે.
પહેલા કમાણી પછી ખર્ચ
પહેલા કમાણી પછી ખર્ચ અને પછી બચતના આ ક્રમને થોડુ બદલવાની જરૂર છે. જેમાં આપણે પહેલા કમાણી બાદ રોકાણને મહત્વ આપવું જોઈએ અને પછી ખર્ચને પુરા કરવા જોઈએ. એવું એટલા માટે કારણ કે પૈસા હાથમાં આવતા જ ખર્ચને પુરા કરવાની આતુરતા વધી જાય છે. જેના કારણે બચતનું લક્ષ્ય ક્યાંક દબાઈ જ જાય છે.
બચત અને રોકાણનું અંતર સમજો
બચત અને રોકાણનું અંતર સમજીને કારણ કરો કારણ કે તમારા ખાતામાં પડેલા પૈસા અથવા ઘરમાં બચાવવામાં આવેલું ધન તમારા ભવિષ્યની જરૂરિયાતોને પુરી રીતે સુરક્ષા નથી આપતી. ફક્ત પૈસા બચાવવા જરૂરી નથી પરંતુ તેનાથી રોકાણ કરવું પણ તેટલું જ જરૂરી છે. રોકાણ સંપૂર્ણ રીતે વિચારીને જ કરો. તે તમને કેવું રિટર્ન આપવાનું છે વગેરે...
બચતના માધ્યમોને ઓટોમેટિક મોડ પર રાખો
બચતના માધ્યમોને ઓટોમેટિક મોડ પર રાખવાથી વધારે ફાયદો થઈ શકે છે કારણ કે પૈસા આવતા જ તે પહેલા બચતના ભાગમાં જતા રહેશે તે જ બેસ્ટ છે. જો તમે વિચારશો કે પહેલા ઘરની અથવા પોતાની જરૂરીયાતોને પુરી કરશો તો બની શકે કે પછી પૈસા કાઢવાની મુશ્કેલી પડી શકે. માટે તમારે ઓટોમેટિક મોડ પર જેવા કે એસઆઈપી, પોસ્ટ ઓફિસ આરડી અથવા પીપીએફ જેવા માધ્યમોને રાખવા જોઈએ જેથી પહેલા તેના પૈસા કપાય અને પછી તમારા ખર્ચ માટે પૈસા વધે.
અલગ અલગ જગ્યા પર મુકો પૈસા
જ્યારે આપણે ફરવા જઈએ છીએ ત્યારે બધા જ પૈસા એક સાથે નથી રાખતા પરંતુ અલગ અલગ બેગ કે પર્સમાં રાખીએ છીએ આજ રીતે ઘર ચલાવતી વખતે પણ પૈસા અલગ અલગ જગ્યા પર રાખવા જોઈએ. ઉદાહરણ તરીકે એફડી, પીપીએફ, મ્યુચ્યુઅલ ફંડ, ડેટ ફંડ દરેક અલગ અલગ જગ્યા પર પૈસાનું રોકાણ કરો. સરકારી સ્કીમોમાંથી પોતાની જરૂરીયાતોના હિસાબથી રોકાણ કરો. રોકાણનો એક મોટો નિયમ છે કે બધા જ ઈંડાને એક જ ટોપલીમાં ન મુકવા જોઈએ.