તમે પણ નવી કાર ખરીદવાનું વિચારી રહ્યા છો તો તમારે કેટલીક ખાસ વાતોની જાણકારી મેળવી લેવી જરૂરી છે. કાર ખરીદતી સમયે ડિસ્કાઉન્ટ, કાર એક્સેસરીઝ, શોરૂમની કિંમતની સાથે તમારા બજેટનું ધ્યાન રાખવાનું પણ જરૂરી છે. આજે જાણી લો કઈ વાતોની જાણકારી રાખીને ચાલવાથી તમે બચતની સાથે નવી કાર સરળતાથી ખરીદી શકો છો.
કાર ખરીદવાનો છે પ્લાન
આ જાણકારી કરશે મદદ
આ રીતે બજેટમાં ખરીદો નવી કાર
ડિસ્કાઉન્ટ વિશેની જાણકારી
નવી કાર ખરીદવા ઈચ્છો છો તો કાર વિશેની જાણકારી મેળવી લો. સાથે જ ડીલરના ડિસ્કાઉન્ટ વિશેની જાણકારી મેળવો તે પણ જરૂરી છે. તેનાથી તમને તમારા બજેટમાં કાર ખરીદવામાં સરળતા રહેશે.
કાર એક્સેસરીઝ
કાર ખરીદતાં પહેલાં ડીલર પાસેથી દરેક પ્રકારની એક્સેસરીઝની જાણકારી મેળવી લો તે જરૂરી છે. કાર ખરીદતી સમયે કાર ડીલર પાસેથી પહેલાં ડિસ્કાઉન્ટની જાણકારી મેળવી લેવી જેથી તમે અન્ય ઓફરનો લાભ મેળવી શકો.
કારની કિંમત
કાર ખરીદતા પહેલાં 1 કે 2 શોરૂમથી તેની કિંમતની તપાસ કરી લો. કારની કિંમત બે અલગ શોરૂમમાં અલગ હોઈ શકે છે. જે શો રૂમમાં કારની કિંમત ઓછી હોય ત્યાંથી કાર ખરીદો તે યોગ્ય છે.
નક્કી કરો બજેટ
કાર ખરીદતાં પહેલાં બજેટ નક્કી કરી લો તે જરૂરી છે. એક વાર બજેટ નક્કી કરી લેવામાં આવે પછી તમે શોરૂમમાં કોઈ પણ પ્રકારની તકલીફ અનુભવશો નહીં. આ સાથે તમે તમારા બજેટમાં કાર ખરીદવામાં પણ સરળતા અનુભવશો.
પરિવારને ધ્યાનમાં રાખીને ખરીદો કાર
નવી કાર ખરીદતા ધ્યાન રાખો કે પરિવારના લોકોની સંખ્યા કેટલી છે. પરિવાર મોટો હોય તો મોટી ગાડી ખરીદો નહીં તો નાની ગાડી પણ તમે ખરીદી શકો છો. તમારી પાસે જ બજેટ હોય તેનો યોગ્ય રીતે ઉપયોગ કરો.