સંસ્કારી નગરીમાં કાર અને સ્કૂલવાન વચ્ચે અકસ્માત 5 વિદ્યાર્થીઓને ગંભીર ઇજા

વડોદરાઃ સંસ્કારી નગરી વડોદરામાં દિવસેને દિવસે અકસ્માતોની દૂર્ઘટનાઓમાં ઉત્તરોતર વધારો થતો જાય છે. હજૂ તો અંબે સ્કૂલનો મામલો શાંત પડયો નથી ત્યારે શબરી સ્કૂલના વિદ્યાર્થીઓ સાથે અકસ્માતની આ દૂર્ઘટના સર્જાઈ છે.


સ્કૂલવાનમાં વિદ્યાર્થીઓ વહેલી સવારે શાળાએ જઈ રહ્યા હતા. ત્યારે કાર અને સ્કૂલવાન વચ્ચે અકસ્માત સર્જાતા 5 વિદ્યાર્થીઓને ગંભીર ઈજાઓ પહોંચી છે. આપ આ દ્રશ્યોમાં જોઈ શકો છો કે ઘાયલ વિદ્યાર્થીઓને પ્રાથમીક સારવાર અપાઈ રહી છે.


ઉલ્લેખનીય છે કે થોડા દિવસો અગાઉ ST બસની અડફેટે એક વિદ્યાર્થીનું મોત નિપજ્યું હતું. આ અકસ્માતમાં બાળકનું મોત થતા સ્થાનિકો તથા રોષે ભરાયેલા લોકોએ રસ્તા પર માટલા ફોડી રસ્તો બંધ કરાવ્યો હતો.


સ્થાનિકોનો આક્રોશ ચરમસીમાએ પહોંચતા જય અંબે સ્કૂલમાં તોડફોડ પણ કરી છે. સ્કૂલ દ્વારા સાયકલોથોન યોજવામાં આવી હતી અને કોઈ સુરક્ષા વ્યવસ્થા અને પોલીસ પરમિશન વગર સાયકલોથોન યોજવાને કારણે વિદ્યાર્થીનું કરૂણ મોત નિપજ્યું હતું. ત્યારે ફરી વડોદરામાં અકસ્માતની દૂર્ઘટના સર્જાતા ચકચાર મચી જવા પામી હતી.