ગરમીની સિઝનમાં શરીરમાં પાણીની ઉણપ પૂરી કરવા માટે એવા ડ્રિંક્સની જરુર હોય છે જે શરીરને હાઇડ્રેટ રાખે અને અનેક બીમારીઓથી પણ બચાવે છે.
ગરમીની સિઝનમાં વધુમાં વધુ પાણી પીઓ
હેલ્ધી ડ્રિંકનું સેવન કરો જે શરીરને હાઇડ્રેટ રાખશે
વિટામીન-સી યુક્ત ફળોનું સેવન કરો
ગરમીની સિઝનમાં લોકો તડકો અને પરેસેવાના કારણે સુસ્ત-થાક અનુભવે છે. તેથી આ સિઝનમાં બોડીને હાઇડ્રેટ રાખવી ખબૂજ જરુરી છે. તેથી આ સિઝનમાં ઠંડા અને હેલ્ધી ડ્રિક્સનું સેવન કરી તમે દિવસભર ઉર્જાવાન રહી શકો છો. તેના માટે તમારે વિટામીન-સી થી ભરપુર ફ્રૂટ્સ જેવા કે કીવી, નારંગી, સ્ટ્રોબેરી વગેરે જેવા ફળોનું સેવન અથવા જ્યુસ પી શકો છો. તો આવો તેવા જ વિટામીન- સી યુક્ત ફળો વિશે જાણીએ જેનુ નિયમિત જ્યુસનું સેવન કરી શકાય અને શરીરને હાઇડ્રેટ રાખી શકાય...
લીંબુ પાણીઃ મોટાભાગે લોકો ગરમીની સિઝનમાં લીંબુ પાણી પીવુ પસંદ કરે છે. લીંબુ પાણીને બનાવવું પણ ખૂબ જ સરળ છે. લીબું પાણી બનાવવા માટે સોડામાં લીંબુનો રસ મિક્સ કરી, તેમાં સંચળ પાઉડર અને ખાંડ નાંખીને મિક્સ કરો, તૈયાર છે તમારુ સુપર એનર્જિક સમર ડ્રિંક. તમે ઇચ્છો તો ગરમીમાં નિયમિત રીતે પાણીમાં લીંબુનો રસ મિક્સ કરી પોતાની તરસ છીપાવી શકો છો.
લીચી જ્યુસઃ લીચીનું સેવન કરીને શરીરમાં વિટામીન-સીની ઉણપને પૂરી કરી શકાય છે. આ ફળ અન્ય કોઇ પોષક તત્વોથી ભરપુર હોય છે. ગરમીઓમાં તમે લીચી દ્વારા ટેસ્ટી ડ્રિંક બનાવી શકો છો. લીચીના જ્યુસમાં સોડા અથવા તાજા ફુદીનાના પાન મિક્સ કરીને પી શકો છો.
વોટરમેલન જ્યુસઃ વોટરમેલન એટલે કે તરબૂચનો જ્યુસ. તરબૂચમાં પાણીની માત્રા વધારે હોય છે. જે તમને લાંબા સમય સુધી હાઇડ્રેટ રાખવામાં મદદ કરે છે. તરબૂચ રસદાર અને મીઠુ હોય છે, ગરમીમાં તમારી તરસ છીપાવવા માટે તરબૂચનો જ્યુસ બેસ્ટ ડ્રિંક છે.
સ્ટ્રોબેરી જ્યુસઃ સ્ટ્રોબેરી દેખાવમાં જેટલી સુંદર છે, શરીર માટે તેટલી જ ગુણકારી છે. સ્ટ્રોબેરી વિટામીન સીનો રિચ સોર્સ છે. આ ઉપરાંત તેમાં કેલ્શિયમ અને ફોસ્ફરસ જેવા પોષક તત્વ પણ રહેલા છે. તમે ગરમીની સિઝનમાં સ્ટ્રોબેરી જ્યુસને પોતાના ડાયેટમાં સામેલ કરી શકો છો.
નારંગીનો જ્યુસઃ નારંગી વિટામીન-સીનો સૌથી સારો સોર્સ માનવામાં આવે છે. આ ગરમીની સિઝનનું બેસ્ટ ડ્રિંક છે. ઘરે પણ તાજી નારંગીનો જ્યુસ બનાવી શકો છો. આ જ્યુસ અનેક પ્રકારના રોગો સામે લડવા માટે શરીરને મજબૂત બનાવે છે.